ମାଲକାନଗିରି: ପୁଣି ଏକ ଗଞ୍ଜେଇ କାରାବାରର ପର୍ଦ୍ଦାଫାଶ କରିଛି ମାଲକାନଗିରି ପୋଲିସ । ଶୁକ୍ରବାର ଗୋଟିଏ ଗଞ୍ଜେଇ ବୋଝେଇ ଟ୍ରକ ସହ ଦୁଇ ଚାଲାଣକାରୀ ଧରାପଡିଛନ୍ତି । ସେମାନଙ୍କ ପାଖରୁ ପୋଲିସ ୫୦୦ କେଜି ଗଞ୍ଜେଇ ଜବତ କରିଛି । ଯାହାର ଆନୁମାନିକ ମୁଲ୍ୟ ପ୍ରାୟ ୭୦ ଲକ୍ଷ ଟଙ୍କା ହେବ ବୋଲି ମାଲକାନଗିରି ଏସପି କହିଛନ୍ତି ।
ଭିଡିଓ ସୌଜନ୍ୟ- ସମ୍ବାଦଦାତା, ମାଲକାନଗିରି
ବାରମ୍ବାର ଜିଲ୍ଲାରେ ଗଞ୍ଜେଇ ଚୋରା ଚାଲାଣ ଧରା ପଡୁଥିବା ବେଳେ ଶନିବାର ମାଲକାନଗିରି ସଦର ଥାନା ପୋଲିସ ଏକ ଗଞ୍ଜେଇ ବୋଝେଇ ଟ୍ରକକୁ ପୋଲିସ ଜବତ କରିଛି । ଶିଖପାଲ୍ଲି ଅଞ୍ଚଳରୁ ଛତିଶଗ଼ଡକୁ ଏହି ଗଞ୍ଜେଇ ଚାଲାଣ ହେଉଥିଲା । ଏତିକି ବେଳେ ଗୁପ୍ତ ସୂତ୍ରରୁ ଖବର ପାଇ ପୋଲିସ ଟ୍ରକଟିକୁ ଜବତ କରିଥିଲା । ଗିରଫ 2 ଅଭିଯୁକ୍ତ କାଲିମେଳା ଅଞ୍ଚଳର ମନୋଜ କୁମାର ପଟ୍ଟନାୟକ ଓ ମୋତିଲାଲ ମଣ୍ଡଳ ରହିଛନ୍ତି । ସେମାନଙ୍କୁ ପଚରା ଉଚୁରା କରାଯିବା ପରେ କୋର୍ଟ ଚାଲାଣ କରାଯିବା ସହ ଏହି ଗଞ୍ଜେଇ ରେକେଟରେ ସାମିଲ ଥିବା କିଙ୍ଗପିନକୁ ମଧ୍ୟ ଶୀଘ୍ର ଗିରଫ କରାଯିବ ବୋଲି ପୋଲିସ କହିଛି ।