ମହିଳାଙ୍କୁ ଥାନାରେ ଦୁର୍ବ୍ୟବହାର ଅଭିଯୋଗ, ଏସଆଇଙ୍କ ବଦଳି

ଅଭିଯୋଗ ଆସିଛି ଦାମନଯୋଡିର ମଡେଲ ଥାନାରୁ । ଜନୈକ ମହିଳା କୌଣସି ଏକ ମାମଲାରେ ନ୍ୟାୟ ମାଗିବାକୁ ଯାଇଥିବା ବେଳେ ସେଠାକାର ଥାନା ସବ୍ଇ‌ନ୍ସପେକ୍ଟର ଆଶ୍ରାବ୍ୟ ଭାଷାରେ ତାଙ୍କୁ ଗାଳିଗୁଲଜ କରିବା ଅଭିଯୋଗ ହୋଇଛି ।

ଜୟପୁର: ପୁଣି ଖାକି ପୋଷାକର ଗରମ । ମହଙ୍ଗା ପଡିଲା କଦର୍ଯ୍ୟ ବ୍ୟବହାର । ଅଭିଯୋଗ ଆସିଛି ଦାମନଯୋଡିର ମଡେଲ ଥାନାରୁ । ଜନୈକ ମହିଳା କୌଣସି ଏକ ମାମଲାରେ ନ୍ୟାୟ ମାଗିବାକୁ ଯାଇଥିବା ବେଳେ ସେଠାକାର ଥାନା ସବ୍ଇ‌ନ୍ସପେକ୍ଟର ଅଶ୍ରାବ୍ୟ ଭାଷାରେ ତାଙ୍କୁ ଗାଳିଗୁଲଜ କରିବା ଅଭିଯୋଗ ହୋଇଛି ।

ପୋଲିସ ବାବୁଙ୍କ ଏତାଦୃଶ ଅଶାଳୀନ, ଦୁର୍ବ୍ୟବହାରର ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ ଏସଆଇଙ୍କୁ ବଦଳି ହୋଇଥିବା ସ୍ଥାନକୁ ରିଲିଭ କରିଦିଆଯାଇଛି ବୋଲି ଜଣାପଡିଛି । ତେବେ ପୋଲିସ ପକ୍ଷରୁ ଏହି ଘଟଣା ସମ୍ପର୍କରେ କୌଣସି ମନ୍ତବ୍ୟ ଦେବା ପାଇଁ ପଛଘୁଞ୍ଚା ଦେଇଛନ୍ତି ।

କୋରାପୁଟରୁ ସିଏଚ ଶାନ୍ତାକାରା, ଇଟିଭି ଭାରତ