କୋରାପୁଟ:ଖରାଦିନ ଆରମ୍ଭରୁ ପାଣି ପାଇଁ ହାହାକାର। ପାଣି ମୁନ୍ଦାଏ ପାଇଁ ଲୋକଙ୍କୁ ବହୁ କଷ୍ଟ କରିବାକୁ ପଡୁଛି। କୋରାପୁଟ ଡୁମୁରିଗୁଡ଼ା ଗ୍ରାମରେ ଜଳସଙ୍କଟ ଭୋଗୁଛନ୍ତି ଗ୍ରାମବାସୀ। ଜଳ ସମସ୍ୟା ନେଇ କ୍ଷୋଭ ପ୍ରକାଶ କଲେ ଗ୍ରାମବାସୀ।
ପାଣି ପାଇଁ ହାହାକାର, ଧାଡ଼ି ଲମ୍ବୁଛି ଗରା ବାଲଟି
ଡୁମୁରିଗୁଡ଼ା ଗ୍ରାମରେ ତିନୋଟି ନଳକୂଅ ରହିଛି। ମାତ୍ର ସେଥିରୁ ତିନି ଗରା ପାଣି ବାହାରିବା କଷ୍ଟ ହୋଇପଡ଼ିଛି। ସୁଦୂର ଡୁମୁରିପୁଟରୁ ଆସିଥିବା ପାଇପ ଜଳ ଯୋଗାଣ ବ୍ୟବସ୍ଥା ଉପରେ ଭରସା କରିବା କଷ୍ଟକର ହେବାରୁ ଗ୍ରାମବାସୀ ଅଟୋ ଯୋଗେ ବାହାରୁ ପାଣି ବୋହି ଆଣୁଥିବା ଗ୍ରାମବାସୀ କହିଛନ୍ତି। ଏପରିକି ପାଣି ଅଭାବରୁ ଅଙ୍ଗନବାଡ଼ି କେନ୍ଦ୍ରରେ ପିଲାଙ୍କୁ ରନ୍ଧା ଖାଦ୍ୟ ଦେବାକୁ ଅସୁବିଧା ହେଉଥିବା ଅଙ୍ଗନବାଡ଼ି କର୍ମୀ କ୍ଷୋଭ ପ୍ରକାଶ କରିଛନ୍ତି ।