କୋରାପୁଟ: ଆଜି ସାରା ଭାରତବର୍ଷରେ ବାହ୍ୟ ମଳ ମୁକ୍ତ ଗ୍ରାମ ସୃଷ୍ଟି କରିବା ପାଇଁ ସରକାର ସ୍ବଚ୍ଛ ଭାରତ ଅଭିଯାନ ଭଳି ବହୁ ଯୋଜନା ଆରମ୍ଭ କରିଛନ୍ତି । କିନ୍ତୁ କୋରାପୁଟ ଜିଲ୍ଲା ସଦର ମହକୁମାର ନାକ ତଳେ କୋରାପୁଟ ପୌରାଞ୍ଚଳ ଅନ୍ତର୍ଗତ ପ୍ରାୟ 70 ପରିବାର ରହୁଥିବା ତେନ୍ତୁଳିଗୁଡା ଗ୍ରାମରେ ଗୋଟାଏ ଘରେବି ଶୌଚାଳୟ ନାହିଁ । ଯାହାକି ସରକାରୀ ଯୋଜନାର କାର୍ଯ୍ୟକାରୀତା ଉପରେ ବିରାଟ ପ୍ରଶ୍ନବାଚୀ ସୃଷ୍ଟି କରିଛି । ଗ୍ରାମବାସୀ ଅନେକ ଥର ଶୌଚାଳୟ ନିର୍ମାଣ କରିବା ପାଇଁ ପ୍ରଶାସନ ପାଖରେ ନେହୁରା ହୋଇଥିଲେ ହେଁ କୌଣସି ସୁଫଳ ନମିଳିବାରୁ ଭାଗ୍ୟକୁ ନିନ୍ଦି ଚୁପ ରହିଥିବା ଗ୍ରାମବାସୀ ଏବେ ଅଭିଯୋଗ କରିଛନ୍ତି ।
ସରକାରୀ ଯୋଜନାରୁ ବଞ୍ଚିତ, 70 ପରିବାର ଥିବା ତେନ୍ତୁଳିଗୁଡା ଗ୍ରାମରେ ନାହିଁ ଗୋଟେବି ଶୌଚାଳୟ
ରାତିର ଅନ୍ଧକାରରେ ଜୀବନକୁ ପାଣି ଛଡାଇ ନାଳ, ବିଲ, ଜଙ୍ଗଲ ମଧ୍ୟକୁ ଶୌଚ କରିବା ପାଇଁ ଯିବାକୁ ବାଧ୍ୟ ହେଉଥିବା ବେଳେ ଛୋଟ ପିଲାଏ ଗାଁ ଦାଣ୍ଡ , ରାସ୍ତା କଡ଼ ଓ ଗାଁ ନାଳରେ ମଳତ୍ୟାଗ କରୁଥିବା ସେମାନେ ଜଣାଇଛନ୍ତି ।