କୋରାପୁଟ: ଆଜି କୋରାପୁଟ ଜିଲ୍ଲାରେ କୋଭିଡ ସ୍ଥିତି ସମୀକ୍ଷା କରି ଫେରିଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର ଓ ଅତିରିକ୍ତ ସ୍ବାସ୍ଥ୍ୟ ସଚିବ ପ୍ରଦୀପ୍ତ ମହାପାତ୍ର । ଜୟପୁର ସହର ମଧ୍ୟରେ ଗ୍ଲୋକାଲ ଘରୋଇ ଡାକ୍ତରଖାନାରେ ଆରମ୍ଭ ହେବାକୁ ଥିବା 94 ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲକୁ ବୁଲି ଦେଖିଥିଲେ । ହସ୍ପିଟାଲରେ 70 ଟି ଅକ୍ସିଜେନ ବିଶିଷ୍ଟ ଶଯ୍ୟା ଓ 24ଟି ଆଇସିୟୁ ବ୍ୟବସ୍ଥା ଥିବାବେଳେ ଏହା ଖୁବଶୀଘ୍ର କାର୍ଯ୍ୟକାରୀ କରାଯିବା ନେଇ ନିର୍ଦ୍ଦେଶ ଦେଇଛନ୍ତି ମୁଖ୍ୟ ଶାସନ ସଚିବ ।
ଜୟପୁରରେ ଜିଲ୍ଲାର କୋଭିଡ଼ ସ୍ଥିତି ସମୀକ୍ଷା କଲେ ମୁଖ୍ୟ ଶାସନ ସଚିବ
ଉଭୟ ସଚିବ କହିଛନ୍ତି ଯେ ନବରଙ୍ଗପୁର ଜିଲ୍ଲା ଓ କୋରାପୁଟ ଜିଲ୍ଲାରେ କୋଭିଡ ସ୍ଥିତି ନିୟନ୍ତ୍ରଣରେ ଥିବାବେଳେ ରୋଗୀଙ୍କ ଆବଶ୍ୟକତା ଦୃଷ୍ଟିରୁ ଏଇ ଘରୋଇ ଡାକ୍ତରଖାନାକୁ କାର୍ଯ୍ୟକାରୀ କରାଯାଉଛି । ମୁଖ୍ୟ ଶାସନ ସଚିବଙ୍କ ନିର୍ଦ୍ଦେଶ ଅନୁଯାୟୀ ଆସନ୍ତା ଦୁଇଦିନ ଭିତରେ ଏହି ବେସରକାରୀ ହସ୍ପିଟାଲ କାର୍ଯ୍ୟକ୍ଷମ ହେବ ବୋଲି ଜିଲ୍ଲାପାଳ ଅବଦଲ ଏମ୍ ଅକ୍ତର ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ।