କୋରାପୁଟ: କୁହାଯାଏ ସୌନ୍ଦର୍ଯ୍ୟ ଭଗବାନଙ୍କ ଅଭିବ୍ୟକ୍ତିର ନିକଟତମ ଉପଲବ୍ଧି । ପାର୍ଥିବ ଚକ୍ଷୁରେ ଏହି ଦିବ୍ୟ ସମ୍ଭାବନାକୁ ଦର୍ଶନକରିବା ସହିତ ଅନ୍ତର୍ଚେତନାରେ ଆନନ୍ଦକୁ ପ୍ରତିଷ୍ଠା କରିବା ପାଇଁ ବିଭିନ୍ନ ବ୍ୟକ୍ତି ଭଳିକି ଭଳି ପ୍ରୟାସ କରିଥାନ୍ତି । ଏହି ଧାରାରେ ସୁନାବେଡାର ଉପଖଣ୍ଡ ଆରକ୍ଷୀ ଅଧିକାରୀ ଭାବେ କାର୍ଯ୍ୟରତ ନିରଞ୍ଜନ ବେହେରା ମଧ୍ୟ ନିଜ କର୍ମ କ୍ଷେତ୍ରରେ ପାରଦର୍ଶିତା ପ୍ରଦର୍ଶନ କଲା ଭଳି ସମୟ ମିଳିଲେ ନିଜ କାର୍ଯ୍ୟାଳୟର ଟିକି ବଗିଚାରେ ନୂତନ ଫୁଲଟିଏ ଫୁଟାଇବା କାର୍ଯ୍ୟରେ ଲାଗି ପଡୁଛନ୍ତି ।
ପେଶାରେ ପୋଲିସ ନିଶାରେ ମାଳି
ଫୁଲ ଓ ଫୁଲଗଛ ପ୍ରତି ତାଙ୍କ ଏହି ଅପୂର୍ବ ସ୍ନେହ ମମତାକୁ ଅନୁଭବ କରି ସେହି ବଗିଚାରେ ଘୁରି ବୁଲି ମଧୁ ସଂଗ୍ରହ କରୁଥିବା ମହୁମାଛି ମଧ୍ୟ ତାଙ୍କୁ ଆକ୍ରମଣ କରେ ନାହିଁ। ଯୁବ ବୟସରୁ ଜନ୍ମିଥିବା ଏହି ନିଆରା ପ୍ରେମ ଆଜିର କର୍ମ ବହୁଳ ସମୟରେ ମଧ୍ୟ ପଛକୁ ହଟିଯାଇନାହିଁ । ସକାଳେ , ସନ୍ଧ୍ୟା ହେଉ ବା ରାତିରେ ଯେତେବେଳେ ବି ସମୟ ମିଳେ , ସେ କିଛି ସମୟ ଏହି ବଗିଚାରେ ମାଳିଟିଏ ହୋଇଯାନ୍ତି ।