କୋରାପୁଟ: ଦଶମନ୍ତପୁର ବ୍ଲକର ଧର୍ମାଗୁଡା ଗାଁ ପାଖ ଝୋଲାରୁ ମିଳିଛି କଙ୍କାଳ । କଙ୍କାଳଟି ପତି ଚିତ୍ର ମୁଦୁଲିଙ୍କର ବୋଲି ଦାବି କରିଛନ୍ତି ତୁନଖାଲର ସମ୍ବାରି ମୁଦୁଲି। ସମ୍ବାରିଙ୍କ କହିବା ଅନୁଯାୟୀ, ଏକ ମାସ ସାତ ଦିନ ପୂର୍ବେ ଘରକୁ ଅତିଥି ଆସିବା ଯୋଗୁଁ ସେମାନଙ୍କ ପାଇଁ ମଦ ଆଣିବା ପାଇଁ ଚିତ୍ର ମୁଦୁଲି ବାହାରକୁ ଯାଇଥିଲେ । କିନ୍ତୁ ଆଉ ଘରକୁ ଫେରିନଥିଲେ ।
ଝୋଲାରୁ ମିଳିଥିବା କଙ୍କାଳର ମିଳିଲା ପତ୍ତା
ତେବେ ଖୋଜି ଖୋଜି ନିରାଶ ହେବା ବେଳକୁ ତାଙ୍କ ପତି ସେଦିନ ପିନ୍ଧିଥିବା ଟି-ସାର୍ଟ କୁ ଆଜି ଧର୍ମାଗୁଡା ଝୋଲାରେ ଦେଖିବା ପରେ ସମ୍ବାରି ଗ୍ରାମବାସୀଙ୍କୁ ଖବର ଦେଇଥିଲେ । ସେହି ସ୍ଥାନରେ ଖୋଳିବା ପରେ ଏକ ନରକଙ୍କାଳକୁ ଠାବ କରି ଗ୍ରାମବାସୀ ପୋଲିସକୁ ଖବର ଦେଇଥିଲେ ।