ଆସନ୍ତାକାଲି ବାହୁଡା ଯାତ୍ରା, ଚଳଚଞ୍ଚଳ ଶାବର ଶ୍ରୀକ୍ଷେତ୍ର

ଆସନ୍ତାକାଲି ବାହୁଡା ଯାତ୍ରା ଲାଗି ଗୁଣ୍ଡିଚା ମନ୍ଦିରରେ ଲାଗି ରହିଛି ଭିଡ । ଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କୁ ଦର୍ଶନ କରୁଛନ୍ତି ଶ୍ରଦ୍ଧାଳୁ ।

କୋରାପୁଟ: ଆସନ୍ତାକାଲି (ଶୁକ୍ରବାର) ବାହୁଡା ଯାତ୍ରା । ସେଥିଲାଗି ପ୍ରସ୍ତୁତ ରହିଛି ଶାବର ଶ୍ରୀକ୍ଷେତ୍ର । ପ୍ରଥମ ଥର ଲାଗି ଚଳିତ ବର୍ଷ ତିନି ଠାକୁରଙ୍କର ତିନି ରଥ ଟଣାଯାଉଥିବା ଯୋଗୁଁ ଭକ୍ତଙ୍କ ମଧ୍ୟରେ ମଧ୍ୟ ପ୍ରବଳ ଉତ୍ସାହ ଦେଖିବାକୁ ମିଳିଛି ।

ତେବେ ଆସନ୍ତାକାଲି ବାହୁଡା ଯାତ୍ରା ଥିବାରୁ ଆଜି ଗୁଣ୍ଡିଚା ମନ୍ଦିରରେ ପ୍ରଭୁଙ୍କୁ ଦର୍ଶନ କରିବା ପାଇଁ ଲୋକଙ୍କ ଭିଡ ଲାଗିଛି । ନବଦିନର ଯାତ୍ରା ଶେଷ କରି ଆସନ୍ତାକାଲି (ଶୁକ୍ରବାର) ମହାପ୍ରଭୁ ଜଗନ୍ନାଥ, ପ୍ରଭୁ ବଳଭଦ୍ର ଓ ଦେବୀ ସୁଭଦ୍ରାଙ୍କୁ ଧରି ଶ୍ରୀମନ୍ଦିର ପ୍ରତ୍ୟାବର୍ତ୍ତନ କରିବେ । ତେବେ ଏନେଇ ଶାବର ଶ୍ରୀକ୍ଷେତ୍ରରେ ଆସନ୍ତାକାଲି ସକାଳେ ଯଥାରୀତି ତିନି ଠାକୁରଙ୍କ ପହଣ୍ଡି କରାଯାଇ ଦିନ ଗୋଟାଏ ବେଳକୁ ରଥଟଣା ହେବାର କାର୍ଯ୍ୟକ୍ରମ ରହିଛି ।

କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ