କୋରାପୁଟ: ରାୟଗଡା ରାଜପଥ ନିକଟରେ ପୃଥକ ପୃଥକ ସଡକ ଦୁର୍ଘଟଣା । ଭାରସାମ୍ୟ ହରାଇ ଏକ ବସ ରାସ୍ତା ତଳକୁ ଖସିଯିବାରୁ ଏଥିରେ ୪ଜଣ ଯାତ୍ରୀ ଆହତ ହୋଇଛନ୍ତି । ଆର.ବି କୋଚ ନାମକ ଏକ ଘରୋଇ ବସ ୩୦ ଜଣ ଯାତ୍ରୀଙ୍କୁ ନେଇ ପୋଲସରାରୁ କୋରାପୁଟ ଦେଇ ଇନ୍ଦ୍ରାବତୀ ଅଭିମୁଖେ ଯାଉଥିବା ସମୟରେ ରାଜପଥର ପଞ୍ଚଡା ନିକଟରେ ଭାରସାମ୍ୟ ହରାଇ ଓଲଟି ପଡିଥିଲା ।
ରାତି ପ୍ରାୟ ୪ଟା ୩୦ ମିନିଟ ସମୟରେ ଏହି ଦୁର୍ଘଟଣା ଘଟିଥିବା ବେଳେ ଏନେଇ ଖବର ପାଇ ଘଟଣାସ୍ଥଳରେ କାକିରିଗୁମା ପୋଲିସ ପହଞ୍ଚି ଲୋକଙ୍କୁ ଉଦ୍ଧାର କରିବା ସହ ଆହତଙ୍କୁ କୋରାପୁଟ ମେଡିକାଲକୁ ସ୍ଥାନାନ୍ତର କରିଛି । ତେବେ କୁହୁଡିରେ ରାସ୍ତା ଦେଖାଯାଇନଥିବାରୁ ବସଟି ଅନ୍ୟ ଏକ ଗାଡିକୁ ରାସ୍ତା ଦେଖାଇବା ସମୟରେ ଭାରସାମ୍ୟ ହରାଇ ଓଲଟି ପଡିଥିଲା ।