ପାହାଡ଼ ତଳକୁ ଟ୍ରାକ୍ଟର ଖସି ୨୨ ଶ୍ରମିକ ଆହତ

କୋଡ଼ିଂଗାମାଳି ବକ୍ସାଇଟ ଖଣିରେ ଗତକାଲି ରାତିରେ କାମସାରି ଫେରୁଥିବା ସମୟରେ ଏକ ଟ୍ରାକ୍ଟର ପାହାଡ଼ ତଳକୁ ଖସିଯିବାରୁ ୨୨ ଜଣ ଶ୍ରମିକ ଆହତ ହୋଇଛନ୍ତି ।

କୋରାପୁଟ: ପାହାଡ଼ ତଳକୁ ଟ୍ରାକ୍ଟର ଖସି ପଡିବାରୁ ୨୨ ଜଣ ଶ୍ରମିକ ଆହତ ହୋଇଛନ୍ତି । ଏ ଘଟଣା ଦେଖିବାକୁ ମିଳିଛି କୋରାପୁଟର ଲକ୍ଷ୍ମୀପୁର ନିକଟସ୍ଥ କୋଡ଼ିଂଗାମାଳି ବକ୍ସାଇଟ ଖଣି ଅଞ୍ଚଳରେ। ଗତକାଲି ରାତିରେ କାମସାରି ଫେରୁଥିବା ସମୟରେ ଏ ଟ୍ରାକ୍ଟର ଦୁର୍ଘଟଣାଗ୍ରସ୍ତ ହୋଇଥିଲା ।

ଆହତଙ୍କୁ ସ୍ଥାନୀୟ ଲକ୍ଷ୍ମୀପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଉଥିବା ବେଳେ, ଗୁରୁତରଙ୍କୁ ରାୟଗଡା ସ୍ଥାନାନ୍ତର କରାଯାଇଛି।

କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ