କୋରାପୁଟ: ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲର ଷ୍ଟାଫ ନର୍ସଙ୍କୁ ଦୁର୍ବ୍ୟବହାର ଘଟଣା । ଉକ୍ତ ଘଟଣାରେ ସୋମବାର ଶତାଧିକ ଷ୍ଟାଫ୍ ନର୍ସ ଡାକ୍ତରଖାନାର ପ୍ରବେଶ ଦ୍ବାର ନିକଟରେ 7 ଘଣ୍ଟା ଧରି ଧାରଣାରେ ବସିଥିଲେ । ଫଳରେ ରୋଗୀ ସେବା ବ୍ୟାହତ ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ଷ୍ଟାଫ ନର୍ସଙ୍କ ଅଭିଯୋଗକୁ କେନ୍ଦ୍ର କରି ପ୍ରାୟ ଚାରି ଘଣ୍ଟା ଧରି ଡାକ୍ତରଖାନାର ପ୍ରଶାସନିକ ଅଧିକାରୀ ଏବଂ ପୋଲିସ ପ୍ରଶାସନିକ ଅଧିକାରୀଙ୍କ ମଧ୍ୟରେ ବୈଠକ ଅନୁଷ୍ଠିତ ହୋଇଥିଲା । ଡାକ୍ତରଖାନାର ସୁରକ୍ଷା ବ୍ୟବସ୍ଥା କଡାକଡି କରିବା ସହ ୱାର୍ଡ ମଧ୍ୟକୁ ରୋଗୀଙ୍କ ସମ୍ପର୍କୀୟଙ୍କ ପ୍ରବେଶକୁ ନିୟନ୍ତ୍ରଣ କରାଯିବା ପାଇଁ ପ୍ରତିଶ୍ରୁତି ମିଳିବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା। ସେପଟେ ଷ୍ଟାଫ ନର୍ସଙ୍କ ପ୍ରତି କଥିତ ରୂପେ ଦୁର୍ବ୍ୟବହାର କରାଯାଇଥିବା ଅଭିଯୋଗକୁ ଭିତ୍ତି କରି ହସ୍ପିଟାଲର ସିସିଟିଭି ଯାଞ୍ଚ କରାଯିବ ବୋଲି କୋରାପୁଟ ଏସଡିପିଓ ପ୍ରତିଶ୍ରୁତି ଦେଇଛନ୍ତି ।