କୋରାପୁଟ: ଗୁରୁବାର ରାଜ୍ୟର ସମସ୍ତ ସରକାରୀ ବିଦ୍ୟାଳୟରେ ଶିକ୍ଷକ ଓ ଅଭିଭାବକଙ୍କ ବୈଠକ ସମ୍ପନ୍ନ ହୋଇଯାଇଛି । ସ୍ଥାନୀୟ ଅଭିଭାବକ ନିଜ ନିଜ ପିଲାଙ୍କ ଶିକ୍ଷଣ ଅଭିବୃଦ୍ଧି ସମ୍ପର୍କରେ ଶିକ୍ଷକ ଶିକ୍ଷୟିତ୍ରୀଙ୍କ ସହ ଆଲୋଚନା କରିଥିଲେ । ଏହାସହ ସେମାନଙ୍କ ପରୀକ୍ଷା ଖାତାକୁ ଦେଖିବା ଓ ପିଲାମାନଙ୍କ ବିଦ୍ୟାଳୟ ଉପସ୍ଥାନକୁ ନିୟମିତ କରାଇବାର ଶପଥ ପାଠ କରିଥିଲେ ।
ଶପଥ ନେଲେ ଅଭିଭାବକ
ଶିକ୍ଷକ ଶିକ୍ଷୟତ୍ରୀମାନେ ଅଭିଭାବକଙ୍କ ସହ ମିଶି ଝିଅ ପିଲାଙ୍କୁ 18 ଓ ପୁଅଙ୍କୁ 21 ବର୍ଷ ନହେଉଣୁ ବିବାହ କରାଇବେ ନାହିଁ ବୋଲି ଶପଥ ନେଇଥିଲେ । ତେବେ କୋରାପୁଟ ସହରାଞ୍ଚଳରେ ହେଉ ବା ଗ୍ରାମାଞ୍ଚଳ ହେଉ ଏହି ବୈଠକରେ କିଛି ସ୍ଥାନୀୟ ଅଭିଭାବକ ଉପସ୍ଥିତ ଥିବାବେଳେ ଛାତ୍ରାବାସରେ ରହି ପଢ଼ୁଥିବା ଛାତ୍ରଛାତ୍ରୀଙ୍କ ଅଭିଭାବକ ଘରଠାରୁ ବିଦ୍ୟାଳୟର ଦୂରତ୍ବ ଯୋଗୁଁ ଯୋଗ ଦେଇପାରି ନଥିଲେ ।