କୋରାପୁଟ:ଜିଲ୍ଲାର ସିକଲ ସେଲ ରୋଗୀଙ୍କ ସଂଖ୍ୟା ଅଧିକ ରହୁଛି । ଏନେଇ ଲକ୍ଷ୍ମୀପୁର, ନାରାୟଣପାଟଣା, ଦଶମନ୍ତପୁର ଓ ବନ୍ଧୁଗାଁ ବ୍ଲକରେ ଅଞ୍ଚଳରେ ରୋଗୀଙ୍କ ଚିହ୍ନଟ କରିବା ପାଇଁ ବ୍ୟବସ୍ଥା କରାଯାଉଛି । ଏହାସହ ସେମାନଙ୍କ ଚିକିତ୍ସା ପାଇଁ ଜିଲ୍ଲା ସ୍ୱାସ୍ଥ୍ୟ ବିଭାଗ ଦ୍ଵାରା ସ୍ଵତନ୍ତ୍ର ବ୍ୟବସ୍ଥା କରାଯାଉଥିବା ଜିଲ୍ଲାର ଡିଜିଏମ ଜଣାଇଛନ୍ତି ।
ଏହି ବ୍ଲକ ଗୁଡିକରେ ଗର୍ଭବତୀ ମହିଳାଙ୍କ ମଧ୍ୟରୁ ଶତକଡା 15 ରୁ 20 ଭାଗ ସିକଲ ସେଲ ରୋଗରେ ଆକ୍ରାନ୍ତ ଥିବା ଜଣାପଡିଛି । ଏହି ସମସ୍ୟାର ଗୁରୁତ୍ଵକୁ ଦେଖି ବିଶେଷ କରି ଗର୍ଭବତୀ ମହିଳାଙ୍କୁ ଟୀକାକରଣ କରାଯିବା ସମୟରେ ସିକଲ ସେଲ ପରୀକ୍ଷା କରାଯାଇ ସେମାନଙ୍କୁ ଓ ସେମାନଙ୍କ ପରିବାରକୁ ଏ ସମ୍ପର୍କରେ ସଚେତନ କରାଯାଇ ସ୍ୱାସ୍ଥ୍ୟର ଉପଯୁକ୍ତ ଯତ୍ନ ନେବା ଦିଗରେ ପ୍ରୋତ୍ସାହିତ କରାଯିବ । ଏଥି ନିମନ୍ତେ ଶୁକ୍ରବାର ତୃଣମୂଳ ସ୍ତରର ସଚେତନ ନେଇ ଜିଲ୍ଲା ସ୍ତରୀୟ କର୍ମଶାଳାର ଆୟୋଜନ କରାଯାଇଥିଲା ।
କୋରାପୁଟରୁ ସିଏଚ. ଶାନ୍ତାକାର , ଇଟିଭି ଭାରତ
