କୋରାପୁଟ: ଗୁରୁ-ଶିଷ୍ୟ ସମ୍ପର୍କରେ ପୁଣି ଲାଗିଲା କଳଙ୍କର ଛିଟା ! କୋଚିଂ ସେଣ୍ଟରରେ ନବମ ଶ୍ରେଣୀ ଛାତ୍ରୀଙ୍କୁ ଶିକ୍ଷକ ଦୁଷ୍କର୍ମ ଉଦ୍ୟମ ଅଭିଯୋଗ ହୋଇଛି । ଏଭଳି ଅଭିଯୋଗ ଆସିଛି କୋରାପୁଟ ଜୟପୁରର ଏକ ଘରୋଇ କୋଚିଂ ସେଣ୍ଟର ନାଁରେ ।
କୋଚିଂ ସେଣ୍ଟରରେ ନବମ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ ଅଭିଯୋଗ, ଶିକ୍ଷକ ଅଟକ
ସୂଚନାନୁସାରେ, କୋରୋନା କାରଣରୁ ବର୍ତ୍ତମାନ ସ୍କୁଲ ବନ୍ଦ ରହିଥିବା ବେଳେ ଏବେ ଅନଲାଇନ କ୍ଲାସ ଚାଲିଛି । ଚଳିତ ମାସ ଏହି କୋଚିଂ ସେଣ୍ଟରରେ ପରୀକ୍ଷା ଆରମ୍ଭ ହୋଇଥିଲା । ଯାହା ଲିଖିତ ଭାବେ ହୋଇଥିଲା । ତେଣୁ ପରୀକ୍ଷାର୍ଥୀ ପରୀକ୍ଷା ଶେଷ ପରେ ଖାତା ଦାଖଲ ନିମନ୍ତେ କୋଚିଂ ସେଣ୍ଟର ଯାଇଥିଲେ । ଉକ୍ତ ନାବାଳିକା ଜଣଙ୍କ ମଧ୍ୟ ରାତି ସାଢେ 8ଟା ବେଳକୁ ଏକୁଟିଆ ଖାତା ଦାଖଲ ନିମନ୍ତେ ଯାଇଥିଲେ । ଯାହାର ସୁଯୋଗ ନେଇ ନାବାଳିକାଙ୍କୁ ଦୁଷ୍କର୍ମ କରିବାକୁ ଚେଷ୍ଟା କରିଥିଲେ କୋଚିଂ ସେଣ୍ଟରରେ ଭୂଗୋଳ ପଢାଉଥିବା ଶିକ୍ଷକ ଅକ୍ଷୟ କୁମାର ପଣ୍ଡା ।