କୋରାପୁଟ: ଗୋଟିଏ ପଟେ କୋରୋନା ସାରା ବିଶ୍ବକୁ ଗ୍ରାସ କରିଥିବା ବେଳେ ଅନ୍ୟପଟେ କୋରାପୁଟ ଜିଲ୍ଲାରେ ଚାଲିଥିଲା ମୀନା ବଜାରର ପ୍ରସ୍ତୁତି । ଭଳିକି ଭଳି ଦୋକାନ ସହ ସ୍ଥାନୀୟ ହକି ପଡିଆରେ ଲାଗିଥିଲା ଛୋଟ ବଡ ନାନା ରକମର ଦୋଳିର ପସରା । ହେଲେ ଦୁଃଖର ବିଷୟ କି କୋରୋନା ସଂକ୍ରମଣ ଖବର ଜାଣିବା ପରେ ଜିଲ୍ଲା ପ୍ରଶାସନ ଏହି ମୀନା ବଜାର ଆୟୋଜନକୁ ଶୁଣାଇଥିଲା ନାସ୍ତି ବାଣୀ । ଆଉ ମାତ୍ର ଦୁଇ ଦିନ ଧରି ଖୋଲିଥିବା ମୀନା ବଜାର ଓ ଦୋଳିରେ ଲାଗିଥିଲା ବେରୋଜଗାରର ଶିକୁଳି ।
ପଡିଆରେ ବନ୍ଦୀ ମୀନା ବଜାର ବେପାରୀ, ଲକଡାଉନ ବାନ୍ଧିଛି ବେରୋଜଗାର ଶିକୁଳି
କେବଳ ରାଜ୍ୟ ନୁହେଁ ବରଂ ପଶ୍ଚିମବଙ୍ଗ, ତ୍ରିପୁରା ଓ ଅନ୍ୟାନ୍ୟ ରାଜ୍ୟରୁ ଏଠାକୁ ଆସିଥିଲେ ଅନେକ ଦୋକାନୀ ଓ ୟୁନିଟ ମେମ୍ବର । ଆଶା ଥିଲା କିଛି ଦିନ ପରେ ପରିସ୍ଥିତି ସୁଧୁରିବ । ଦୋକାନ ବଜାର ଖୋଲିବା ସହ ଦୋଳି ଚଲାଇ ଦୁଇ ପଇସା ରୋଜଗାର କରିବେ । ହେଲେ କିଛି ଦିନ ପରେ ଘୋଷଣା ହୋଇଥିବା ଦେଶବ୍ୟାପୀ ଲକଡାଉନ ପାଇଁ ଧୂଳିସାତ ହୋଇଥିଲା ଏମାନଙ୍କର ଏହି ଆଶା । ସେହିଦିନଠାରୁ ବକି ପଡିଆରେ ବନ୍ଦୀ ପାଲଟିଥିଲେ ଏହି ବ୍ୟବସାୟୀ ।