କୋରାପୁଟ: ଗତକାଲି(ସୋମବାର)ଠାରୁ ବରିଷ୍ଠ ନାଗରିକମାନଙ୍କୁ କୋଭିଡ ଟିକାର ବୁଷ୍ଟର ଡୋଜ(booster dose) ଦେବା ଆରମ୍ଭ ହୋଇଯାଇଛି । କିନ୍ତୁ ଘରେ ନପଶୁଣୁ ଚାଳ ବାଜିଲା ଭଳି ପ୍ରଥମ ଦିନରେ ହିଁ କୋରାପୁଟସ୍ଥିତ ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜ ହସ୍ପିଟାଲରେ ଦେଖା ଦେଇଛି ଟିକାର ଅଭାବ(Lack of vaccines) । ଫଳରେ ଟୀକାକରଣ ପାଇଁ ଆସିଥିବା ବୟସ୍କ ମହିଳା ଓ ପୁରୁଷ(senior citizens ) ହନ୍ତସନ୍ତ ହେଉଥିବା ଅଭିଯୋଗ ହୋଇଛି ।
ଘରେ ନପଶୁଣୁ ବାଜିଲା ଚାଳ: ପ୍ରଥମ ଦିନରେ ଟିକାର ଅଭାବ, ହନ୍ତସନ୍ତ ବରିଷ୍ଠ ନାଗରିକ
ତେବେ ପ୍ରଥମେ ସକାଳେ ଟିକା ନେବା ପାଇଁ ଆସିଥିବା ବରିଷ୍ଠ ନାଗରିକଙ୍କୁ ଦ୍ବିପ୍ରହରରେ ଟିକାଦାନ କରାଯିବ ବୋଲି କହିବା ପରେ ସେମାନେ ଘରକୁ ଫେରିଯାଇଥିଲେ । ଏହାପରେ ପୁଣିଥରେ ଟିକା ନେବାକୁ ଆସିଥିବା ବରିଷ୍ଠ ନାଗରିକମାନେ ବସିବାକୁ ସୁବିଧା ନଥିବାରୁ ପ୍ରାୟ 2 ଘଣ୍ଟା ଧରି ଧାଡ଼ିରେ ଠିଆ ହୋଇଥିଲେ । ଏପରିକି ଦୁଇଘଣ୍ଟା ଧାଡିରେ ଠିଆ ହେବା ପରେ ସେମାନଙ୍କୁ ଟିକା ସରିଯାଇଛି ବୋଲି କୁହାଯାଇଥିଲା । ଯଦ୍ବାରା ଅନେକ ବ୍ୟକ୍ତି ଟିକାଦାନରୁ ବଞ୍ଚିତ ହୋଇଥିବା ଅଭିଯୋଗ ହୋଇଛି ।