ରେଳ ବିଭାଗର ଜେନେରାଲ ମ୍ୟାନେଜରଙ୍କ କୋରାପୁଟ ଗସ୍ତ

ଦକ୍ଷିଣ-ପୂର୍ବ ରେଳ ବିଭାଗର ଜେନେରାଲ ମ୍ୟାନେଜର ଶ୍ରୀ ବିଦ୍ୟାଭୂଷଣ କୋରାପୁଟ ଗସ୍ତ କରିଛନ୍ତି ।

କୋରାପୁଟ: ଦକ୍ଷିଣ-ପୂର୍ବ ରେଳ ବିଭାଗର ଜେନେରାଲ ମ୍ୟାନେଜର ଶ୍ରୀ ବିଦ୍ୟାଭୂଷଣ କୋରାପୁଟ ଗସ୍ତ କରିଛନ୍ତି । ତାଙ୍କର ଏହି ଗସ୍ତ କାଳରେ କୋରାପୁଟ ରେଳଷ୍ଟେସନ ତଥା ଏଥିରେ ସଂଲଗ୍ନ ରେଳପଥରେ ଚାଲିଥିବା ବିଭିନ୍ନ କାର୍ଯ୍ୟର ତଦାରଖ କରିଛନ୍ତି।

ରେଳ ବିଭାଗରେ କାର୍ଯ୍ୟ କରୁଥିବା କର୍ମଚାରୀଙ୍କ ସୁବିଧା ଅସୁବିଧା ବୁଝିବା ସହ ଯାତ୍ରୀଙ୍କୁ ଯୋଗାଇ ଦିଆଯାଉଥିବା ସେବାକୁ ବ୍ୟକ୍ତିଗତ ଭାବେ ବୁଲି ଦେଖିଛନ୍ତି । ଅଧିକ ରେଳ ଚଳାଚଳ ପାଇଁ ଲୋକଙ୍କ ଦାବି ରହିଛି । ଏହାକୁ ସେ ଆଖି ଆଗରେ ରଖି ଏସମ୍ପର୍କରେ ପରିସ୍ଥିତିର ଅନୁଧ୍ୟାନ କରିବେ ବୋଲି ସେ ପ୍ରତିଶ୍ରୁତି ଦେଇଛନ୍ତି । ତାଙ୍କ ସହିତ ରେଳବିଭାଗର ବହୁ ବରିଷ୍ଠ ଅଧିକାରୀ ଏହି ଗସ୍ତରେ ସାମିଲ ହୋଇଛନ୍ତି ।

କୋରାପୁଟରୁ ସିଏଚ ଶାନ୍ତାକାର, ଇଟିଭି ନ୍ୟୁଜ