ମିଳିବ କି କୁନ୍ଦୁଲି ପୀଡିତାଙ୍କୁ ନ୍ୟାୟ ? ସିବିଆଇ ତଦନ୍ତ ଦାବି କଲେ କୋରାପୁଟ ସାଂସଦ

କୁନ୍ଦୁଲି ଗଣଦୁଷ୍କର୍ମ ଘଟଣାରେ ସିବିଆଇ ତଦନ୍ତ ଦାବି କଲେ କୋରାପୁଟ ସାଂସଦ । ଆଜି ସାଂସଦ ପୀଡିତାଙ୍କ ପରିବାରକୁ ଭେଟି ଏହି ଦାବି ଉଠାଇଛନ୍ତି ।

କୋରାପୁଟ: କୁନ୍ଦୁଲି ନାବାଳିକା ଦୁଷ୍କର୍ମ ଘଟଣାର ସିବିଆଇ ତଦନ୍ତ ଦାବି । କୋରାପୁଟ ସାଂସଦ ସପ୍ତଗିରି ଉଲାକା ଘଟଣାର ସିବିଆଇ ତଦନ୍ତ ପାଇଁ ଦାବି କରିଛନ୍ତି । ଆଜି ସାଂସଦ ପୀଡିତାଙ୍କ ପରିବାରକୁ ଭେଟିଥିଲେ । ପୀଡିତାଙ୍କ ମାଙ୍କ ସହ ଆଲୋଚନା କରିବା ସହ ଏହି ଘଟଣା ସିବିଆଇ ତଦନ୍ତ କରୁ ବୋଲି ଦାବି ଉଠାଇଥିଲେ ।

ତେବେ ଗତ ଦେଢ ବର୍ଷ ତଳେ କୁନ୍ଦୁଲି ଗଣ ଦୁଷ୍କର୍ମ ଘଟଣାକୁ ନେଇ ରାଜ୍ୟରେ ହଇଚଇ ସୃଷ୍ଟି ହୋଇଥିଲା । ଏପରିକି ଘଟଣାକୁ ନେଇ ଜାତୀୟ ସ୍ତରରେ ମଧ୍ୟ ଚର୍ଚ୍ଚା ଜୋର ଧରିଥିଲା । ଘଟଣାର ଯାଞ୍ଚରେ ପୀଡିତାଙ୍କ ମା ଖୁସି ନ ଥିବା କହିବା ସହ ସେ ମଧ୍ୟ ସିବିଆଇ ତଦନ୍ତ ପାଇଁ ଦାବି କରିଛନ୍ତି ।

କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ