କୋରାପୁଟ: ଓଡିଶାକୁ ଆଜି(ଶୁକ୍ରବାର) ମୌସୁମୀ ଛୁଇଁଥିବା ବେଳେ କୋରାପୁଟ ଜିଲ୍ଲାରେ ମଧ୍ୟ ମୌସୁମୀ ବର୍ଷା ଆରମ୍ଭ ହୋଇଯାଇଛି । ଲଘୁଚାପ ଓ ମୌସୁମୀ ବର୍ଷା ପାଇଁ ଭାରତୀୟ ପାଣିପାଗ ବିଭାଗ ୟେଲୋ ୱାର୍ଣ୍ଣିଂ ଜାରି କରିବା ପରେ ଜିଲ୍ଲା ପ୍ରଶାସନ ବର୍ଷାଜନିତ ସମସ୍ୟା ସାମନା କରିବା ପାଇଁ ପ୍ରସ୍ତୁତ ଥିବା କହିଛନ୍ତି ଅତିରିକ୍ତ ଜିଲ୍ଲାପାଳ ଦେବେନ କୁମାର ପ୍ରଧାନ ।
କୋରାପୁଟରେ ଛେଚିବ ବର୍ଷା ! ପ୍ରସ୍ତୁତ ଜିଲ୍ଲା ପ୍ରଶାସନ
ରାଜ୍ୟ ସରକାରଙ୍କ ଠାରୁ ଲଘୁଚାପ ଓ ମୌସୁମୀ ବର୍ଷାର ୟେଲୋ ସିଗ୍ନାଲ ସୂଚନା ପାଇବା ପରେ ଜିଲ୍ଲା ପ୍ରଶାସନ ପ୍ରସ୍ତୁତି ଆରମ୍ଭ କରିଛି । ଜିଲ୍ଲାରେ ବର୍ଷାଜନିତ ସମସ୍ୟାଗୁଡିକୁ ସାମନା କରିବା ପାଇଁ ପ୍ରଶାସନ ପ୍ରସ୍ତୁତ ହେଉଥିବା ଅତିରିକ୍ତ ଜିଲ୍ଲାପାଳ କହିଛନ୍ତି । ପାହାଡ଼ ଉପରୁ ଭୂସ୍ଖଳନ ସାଙ୍ଗକୁ କୋଟପାଡ ଅଂଚଳରେ ନଦୀ ଜଳମଗ୍ନ ହେବା ଭଳି ସମସ୍ୟାଗୁଡିକୁ ସାମନା କରିବା ପାଇଁ ପ୍ରଶାସନିକ ଅଧିକାରୀଙ୍କୁ ସଜାଗ କରିଦିଆଯାଇଛି ।