କୋରାପୁଟରୁ କୋଟିଏ ଟଙ୍କାରୁ ଅଧିକ ମୂଲ୍ୟର ଗଞ୍ଜେଇ ଜବତ

ରାଜ୍ୟରେ ନିଶା କାରବାର ବଢିବାରେ ଲାଗିଛି । କୋରାପୁଟରୁ ଦୁଇଟି ସ୍ଥାନରୁ ପ୍ରାୟ କୋଟିଏ ଟଙ୍କାରୁ ଅଧିକ ମୂଲ୍ୟର ଗଞ୍ଜେଇ ଜବତ । ଅଧିକ ପଢନ୍ତୁ...

କୋରାପୁଟ :ଦିନକୁ ଦିନ ରାଜ୍ୟରେ ନିଶା କାରବାର ବଢିବାରେ ଲାଗିଛି । କୋରାପୁଟରୁ ଦୁଇଟି ସ୍ଥାନରୁ ପ୍ରାୟ କୋଟିଏ ଟଙ୍କାରୁ ଅଧିକ ମୂଲ୍ୟର ଗଞ୍ଜେଇ ଜବତ ହୋଇଛି । ପଟ୍ଟାଙ୍ଗି ଓ ଦେଓପଟ୍ଟାଙ୍ଗିରୁ ବିହାର ଯାଉଥିବା ଏକ ଅଦା ବୋଝେଇ ଟ୍ରକ ମଧ୍ୟରୁ କୋରାପୁଟ ନଗର ପୋଲିସ 17.5 କୁଇଣ୍ଟାଲ ଗଞ୍ଜେଇ ଜବତ ହୋଇଛି । ଏହାସହ ବିହାରର ଦୁଇଜଣ ବ୍ୟକ୍ତି ଓ ଛଅ ଜଣ ସ୍ଥାନୀୟ ଯୁବକଙ୍କୁ ଗିରଫ କରାଯାଇଛି । ସେମାନେ ବ୍ୟବହାର କରିଥିବା ଟ୍ରକ , ବୋଲେରୋ , କାର ଓ ଏକ ମୋଟର ସାଇକେଲକୁ ଜବତ କରିଛି ।

ସେହିପରି ସେମିଳିଗୁଡା ବ୍ଲକ ଅନ୍ତର୍ଗତ କୁତୁଗାଁ ଛକଠାରେ ଏକ ପିଚୁ ଟିଣ ବୋଝେଇ ଟ୍ରକ ମଧ୍ୟରୁ ସେମିଳିଗୁଡା ପୋଲିସ 6.75 କ୍ବିଣ୍ଟାଲ ଗଞ୍ଜେଇ ଜବତ ହୋଇଛି । ଏହି ଘଟଣାରେ ବିହାରର ଦୁଇ ଜଣଙ୍କୁ ଗିରଫ କରାଯାଇଛି । ଅଭିଯୁକ୍ତମାନେ ପଟ୍ଟାଙ୍ଗିରୁ ବିହାରକୁ ଗଞ୍ଜେଇ ଚାଲାଣ କରିବା ପାଇଁ ଯାଉଥିଲେ ବୋଲି ପୋଲିସ ପକ୍ଷରୁ ସୂଚନା ମିଳିଛି। ଉଭୟ କୋରାପୁଟ ଓ ସେମିଳିଗୁଡ଼ାରେ ଜବତ ହୋଇଥିବା ଗଞ୍ଜେଇର ମୂଲ୍ୟ ଏକ କୋଟି ଟଙ୍କାରୁ ଅଧିକ ହେବ ବୋଲି ଆକଳନ କରାଯାଇଛି ।

କୋରାପୁଟରୁ ସିଏଚ. ଶାନ୍ତାକାର, ଇଟିଭି ଭାରତ