କୋରାପୁଟ: ଚଳିତ ବର୍ଷ ଏପ୍ରିଲ ମାସରୁ ଆରମ୍ଭ ହେଉଥିବା 'ଜନଗଣନାରୁ ଜନକଲ୍ୟାଣ' ଅଭିଯାନ ପାଇଁ କୋରାପୁଟ ଜିଲ୍ଲା ପ୍ରଶାସନ ଆନୁକୂଲ୍ୟରେ ଏକ ତାଲିମ ଶିବିର ଆୟୋଜିତ ହୋଇଯାଇଛି । ଭାରତ ବର୍ଷରେ 1872ରୁ ଆରମ୍ଭ ହୋଇଥିବା ଜନଗଣନା ଚଳିତ ବର୍ଷ 16ତମ ସୋପାନରେ ପହଁଚିଥିବା 2021ର ଜନଗଣନା ଦୁଇଟି ପର୍ଯ୍ୟାୟରେ ସମ୍ପନ୍ନ କରାଯିବ ବୋଲି ଅତିରିକ୍ତ ଜିଲ୍ଲାପାଳ ଦେବେନ କୁମାର ପ୍ରଧାନ ଜଣାଇଛନ୍ତି ।
ଜନକଲ୍ୟାଣ ଅଭିଯାନ ପାଇଁ ତାଲିମ ଶିବିର ଆୟୋଜିତ
ପ୍ରଥମ ପର୍ଯ୍ୟାୟରେ ଏପ୍ରିଲରୁ ସେପ୍ଟେମ୍ବର ମାସ ପର୍ଯ୍ୟନ୍ତ ଏନପିଆର ପାଇଁ କାର୍ଯ୍ୟ କରାଯିବା ବେଳେ ଆସନ୍ତାବର୍ଷ ଫେବୃଆରୀ ମାସରୁ ପପୁଲେସନ ଏନ୍ୟୁମରେସନ କରାଯିବ ବୋଲି ସେ ଜଣାଇଛନ୍ତି । ପ୍ରତିଥର ଭଳି କାଗଜରେ ପ୍ରସ୍ତୁତ ଫର୍ମାଟରେ ଲୋକଙ୍କ ତଥ୍ୟ ସଂଗ୍ରହ କରାଯାଉଥିବା ବେଳେ 2021 ସେନସସ ଗଣନା ପାଇଁ ମୋବାଇଲରେ ଦିଆଯାଇଥିବା ସ୍ୱତନ୍ତ୍ର ଆପ୍ ଯୋଗେ ମଧ୍ୟ ତଥ୍ୟ ସଂଗ୍ରହ କରାଯିବ ।