‘ଗୁଲାବ’ ପ୍ରଭାବ: କୋରାପୁଟରେ ଧସିଲା ମାଟି ଅତଡା, ଭାଙ୍ଗିଲା ଘର

ବାତ୍ୟା ଗୁଲାବ୍‌ର ଲ୍ୟାଣ୍ଡଫଲ୍ ପ୍ରକ୍ରିୟା ସରିଛି । ପ୍ରଭାବରେ କୋରାପୁଟରେ ପବନ ସହ ପ୍ରବଳ ବର୍ଷା ଜାରି ରହିଛି । ସୁଙ୍କିର ହସ୍ପିଟାଲ ନିକଟସ୍ଥ ପାହାଡ ଉପରୁ ମାଟି ଅତଡା ଓ ପଥର ଖସିଛି । ଅଧିକ ପଢନ୍ତୁ....

କୋରାପୁଟ :ବାତ୍ୟା ଗୁଲାବ୍‌ର ଲ୍ୟାଣ୍ଡଫଲ୍ ପ୍ରକ୍ରିୟା ସରିଛି । କିନ୍ତୁ ଗୁଲାବର ପ୍ରଭାବରେ କୋରାପୁଟରେ ପବନ ସହ ପ୍ରବଳ ବର୍ଷା ଜାରି ରହିଛି । ଏହାର ପ୍ରଭାବରେ ଆଜି ସକାଳେ ଓଡିଶା ଓ ଆନ୍ଧ୍ରପ୍ରଦେଶର ସୀମାନ୍ତରେ ଥିବା ସୁଙ୍କିର ହସ୍ପିଟାଲ ନିକଟସ୍ଥ ପାହାଡ ଉପରୁ ମାଟି ଅତଡା ଓ ପଥର ଖସିଛି ।

ଫଳରେ ଜାତୀୟ ରାଜପଥ ଅବରୋଧ ହୋଇଯାଇଛି । ଗମନାଗମନ ବାଧାପ୍ରାପ୍ତ ହୋଇଛି । ସେହି ବ୍ଲକର ରାଲ୍ଲାଗାଡ଼ା ପଞ୍ଚାୟତର ବିଭିନ୍ନ ଗାଁରେ 5ଟି ଘର ବର୍ଷା ପବନ ଦ୍ୱାରା ଭାଙ୍ଗି ଯାଇଥିବା ସୂଚନା ମିଳିଛି । ତେବେ ପଟ୍ଟାଙ୍ଗିରେ ଅବସ୍ଥାପିତ ଏନଡିଆରଏଫ ଟିମ ଘଟଣାସ୍ଥଳକୁ ଯାଉଥିବା ସୂଚନା ମିଳିଛି ।

କୋରାପୁଟରୁ ସିଏଚ.ଶାନ୍ତାକାର , ଇଟିଭି ଭାରତ