କୋରାପୁଟ : ଜିଲ୍ଲାରେ ଶିଶୁ ସାମ୍ବାଦିକ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗତ 15 ଦିନ ଧରି ଦଶମନ୍ତପୁର ବ୍ଲକ ଓ ବୋରିଗୁମ୍ମା ବ୍ଲକର 50 ଜଣ ଶିଶୁଙ୍କୁ ନେଇ ଶିଶୁ ସାମ୍ବାଦିକତା ତାଲିମରେ ଅନ୍ତର୍ଭୁକ୍ତ କରାଯାଇଥିଲା ।
ଶିଶୁ ସହଭାଗିତା ଓ ସମ୍ପୃକ୍ତିର ମଞ୍ଚ ଶିଶୁ ସାମ୍ବାଦିକତା
ଶୁକ୍ରବାର ସେମାନଙ୍କ ମଧ୍ୟରୁ କିଛି ଶିଶୁଙ୍କୁ ଜିଲ୍ଲାର ଏକତା ସଂଗଠନ ଦ୍ଵାରା ଶିଶୁ ସାମ୍ବାଦିକଙ୍କ ଲେଖାକୁ ନେଇ ଏକ ପତ୍ରିକା ପ୍ରସ୍ତୁତିରେ ଯୋଗ ଦେବାର ସୁଯୋଗ ଦିଆଯାଇଥିଲା । ନିଜ ଗାଁରେ ଜୀବନକୁ ପ୍ରଭାବିତ କରୁଥିବା ଶିକ୍ଷା , ସ୍ଵାସ୍ଥ୍ୟ , ଜଳ , ପରିବେଶ ଓ ସଂସ୍କୃତି ଉପରେ ସଂଗୃହିତ ପିଲାଙ୍କ ମତକୁ ଏକାଠି କରି ପିଲାଙ୍କ ପତ୍ରିକା ପ୍ରକାଶ ପାଇଛି ।