ରାଇରଙ୍ଗପୁର:କାନ୍ଥ ପଡ଼ି ୫ ବର୍ଷିୟା ନାବାଳିକାର ମୃତ୍ୟୁ । ମୟୂରଭଞ୍ଜ ଜିଲ୍ଲା ଗୋରୁମହିଷାଣୀ ଥାନା ଅନ୍ତର୍ଗତ କଳଶୀଭଙ୍ଗା ଗ୍ରାମରେ ଏଭଳି ଏକ ଦୁଃଖଦ ଘଟଣା ଘଟିଛି । ମୃତ ନାବାଳିକା ଜଣକ ହେଉଛନ୍ତି ଉକ୍ତ ଗ୍ରାମର ରସାନନ୍ଦ ମାଝୀଙ୍କ ପାଞ୍ଚ ବର୍ଷର ଝିଅ ମୌସୁମୀ ମାଝି।
ସୂଚନା ଅନୁଯାୟୀ, ମୌସୁମୀ ପାଖ ପଡୋଶୀ ଫାଗୁରାମ ମୁର୍ମୁଙ୍କ ଘରକୁ ଝରିପୋକ ଧରିବାକୁ ଯାଇଥିଲେ । ଉକ୍ତ ଘରଟି ଅସୁରକ୍ଷିତ ଭାବେ ଭଙ୍ଗା ଦଦରା ଅବସ୍ଥାରେ ରହିଥିଲା । ଏହି ସମୟରେ ତାଙ୍କ ଉପରେ ମାଟି କାନ୍ଥଟି ଭୁଶୁଡ଼ି ପଡ଼ିଥିଲା । ଫଳରେ ମୌସୁମୀ ଗୁରୁତର ଭାବେ ଆହତ ହୋଇଥିଲେ । ପରିବାର ଲୋକେ ଗୁରୁତର ଅବସ୍ଥାରେ ମୌସୁମୀଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।