ଭାରସାମ୍ୟ ହରାଇ ଘାଟିରୁ ଖସିଲା ବସ୍, ଜଣେ ଆହତ

ସକାଳୁ ସକାଳୁ କୋରାପୁଟ ଜିଲ୍ଲା ପଟାଙ୍ଗୀ ନିକଟରେ ବସ ଦୁର୍ଘଟଣା । ଭାରସାମ୍ୟ ହରାଇ ଓଲଟିଲା ବସ । ସମସ୍ତ ଯାତ୍ରୀ ସୁରକ୍ଷିତ ଥିବା ବେଳେ ହେଲ୍ପର ଆହତ ହୋଇଛନ୍ତି ।

କୋରାପୁଟ: ଶୁକ୍ରବାର ସକାଳରୁ ପଟାଙ୍ଗୀ ନିକଟରେ ବସ ଦୁର୍ଘଟଣା । ଭୁବନେଶ୍ବରରୁ ଆସୁଥିବା ଏକ 'ନଡିଆରାଣୀ' ବସ ଭାରସାମ୍ୟ ହରାଇ ସୁଙ୍କି ଘାଟିରୁ ଖସି ପଡିଛି । ଫଳରେ ବସ ହେଲ୍ପର ଆହତ ହୋଇଥିବା ବେଳେ ସମସ୍ତ ଯାତ୍ରୀ ସୁରକ୍ଷିତ ଥିବା ସୂଚନା ରହିଛି ।

ବସଟି ଦ୍ରୁତ ଗତିରେ ଭୁବନେଶ୍ବରରୁ ଆସୁଥିବା ବେଳେ ହଠାତ ଜାତୀୟ ରାଜପଥ ଦେଇ ଯାଇଥିବା ଚାଉଗୁଣ୍ଠା ଗ୍ରାମ ନିକଟର ଘାଟିରେ ଓଲଟି ପଡିଥିଲା । ତେବେ ଘଟଣାସ୍ଥଳରେ ଦମକଳବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।

କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ