କୋରାପୁଟ: ରାତି ପାହିଲେ ହୋଲି । ଭଳି କି ଭଳି ରଙ୍ଗରେ ପରସ୍ପରକୁ ହୋଲି ବୋଳି ଆନନ୍ଦ ମନାଇବେ ସଭିଁଏ । କିନ୍ତୁ ଫଗୁର ଏ ରଙ୍ଗକୁ ନିଜ ବାହ୍ୟ ନେତ୍ରରେ ଦେଖି ପାରୁନଥିବା ଦୃଷ୍ଟିବାଧିତ ଶିଶୁ ମଧ୍ୟ ଏଥର ରଙ୍ଗର ଉତ୍ସବରେ ସାମିଲ ହେବାକୁ ଅଣ୍ଟା ଭିଡିଛନ୍ତି । ତେଣୁ ହୋଲି ଆସିବା ପୂର୍ବରୁ ରଙ୍ଗ ଖେଳି ଖୁସି ଜାହିର କରିଛନ୍ତି କୋରାପୁଟର ଦୃଷ୍ଟିବାଧିତ ସ୍କୁଲର ପିଲାମାନେ ।
ରଙ୍ଗର ସ୍ପର୍ଶରେ ହୋଲି ଖେଳିଲେ ଦୃଷ୍ଟିବାଧିତ ପିଲା
ମଙ୍ଗଳବାର ହୋଲି ଖେଳିବାକୁ ଥିବାବେଳେ ଏହା ପୂର୍ବରୁ ଏମାନେ ହୋଲି ଖେଳିଛନ୍ତି । ବିଦ୍ୟାଳୟର ଶିକ୍ଷକ ଫଗୁ ଆଣିବା ପରେ , ପିଲାଙ୍କ ଆନନ୍ଦର ସୀମା କାହିଁ କେତେ ଗୁଣରେ ବଢିଯାଇଥିଲା । ସମ୍ପୂର୍ଣ୍ଣ ରୂପେ ନ ହେଲେ ବି ଆଂଶିକ ଭାବେ ଦେଖି ପାରୁଥିବା ପିଲାମାନେ ନିଜ ପାଖରେ ଭଳି କି ଭଳି ରଙ୍ଗର ଫଗୁକୁ ଦେଖି ଆଉ ଲୋଭ ସମ୍ବରଣ କରିପାରିଲେ ନାହିଁ ।