କୋରାପୁଟ: ଶଙ୍ଖ ଛାଡି କିଛି ନେତା ପଦ୍ମରେ ମିଶିବା ପରେ ବିଜେପି ଦଳର ଶକ୍ତି ବୃଦ୍ଧି ହୋଇଛି । ବିଜେଡି ଛାଡି ବିଜେପିରେ ମିଶିଥିବା କୁମୁଦ ସାଉଁତାଙ୍କ ଲକ୍ଷ୍ମୀପୁର ବିଧାନସଭା ଆସନ ପାଇଁ ପ୍ରାର୍ଥୀତ୍ବ ପ୍ରଦାନ କରାଯାଇଛି । ଯାହାକୁ ନେଇ ଏବେ ବିବାଦ ଉଗ୍ର ରୂପ ଧାରଣ କରିଛି ।
ଟିକେଟ ପାଇଁ ଆଶାୟୀ ଥିବା ପ୍ରାର୍ଥୀ ଦଳରେ କୁମୁଦ ସାଉଁତାଙ୍କ ପ୍ରାର୍ଥିତ୍ବକୁ ତୀବ୍ର ବିରୋଧ କରିଛନ୍ତି । ଦଳୀୟ କର୍ମୀ ବିପିନ ମାଣ୍ଡିଙ୍ଗାଙ୍କ ପ୍ରାର୍ଥୀତ୍ବକୁ ସମର୍ଥନ କରୁଥିବା ବେଳେ କୁମୁଦଙ୍କ ପ୍ରାର୍ଥିତ୍ବକୁ ବିରୋଧ କରିଛନ୍ତି । ଯାହାର ଉଗ୍ର ଦୃଶ୍ୟ ଲକ୍ଷ୍ମୀପୁର ସ୍ଥିତ ଦଳୀୟ କାର୍ଯ୍ୟାଳୟରେ ଦେଖିବାକୁ ମିଳିଥିଲା । କାର୍ଯ୍ୟାଳୟ ସମ୍ମୁଖରେ ଭଙ୍ଗାରୁଜା କରିବା ସହ ଜଳାପୋଡା କରାଯାଇଥିଲା । ଏଥିସହ ଦଳ ନେଇଥିବା ନିଷ୍ପତ୍ତିର ପୁନର୍ବିଚାର କରିବା ପାଇଁ ଆନ୍ଦୋଳନକାରୀ ଦାବି କରିଛନ୍ତି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ