କୋରାପୁଟ:ସାରା ରାଜ୍ୟରେ ବିଜେଡିର ଲହର ରହିଥିବା ବେଳେ କୋରାପୁଟ ଜିଲ୍ଲାରେ ଏଥିରେ ବ୍ୟତିକ୍ରମ ଦେଖା ଦେଇଛି । କୋରାପୁଟର 4ଟି ପୌରାଞ୍ଚଳ ମଧ୍ୟରୁ 3ଟିରେ ବିଜେଡି ଶୋଚନୀୟ ପ୍ରଦର୍ଶନ କରିଛି । ତେବେ କୋରାପୁଟ ପୌର ପରିଷଦକୁ ଅକ୍ତିଆର କରି ଦଳ ନିଜ ସମ୍ମାନ ରକ୍ଷା କରିବାରେ ସଫଳ ହୋଇଛି । କୋରାପୁଟ ପୌରାଧ୍ୟକ୍ଷ ଭାବେ ବିଜେଡିର ଲଲାଟ ରଞ୍ଜନ ସେଠୀ ବିଜୟୀ ହୋଇଛନ୍ତି ।
ଲଲାଟ ରଞ୍ଜନ ତାଙ୍କ ନିକଟତମ ପ୍ରତିଦ୍ବନ୍ଦୀ କଂଗ୍ରେସ ଦଳର ପ୍ରାର୍ଥୀଙ୍କୁ 6379 ଭୋଟ ବ୍ୟବଧାନରେ ପରାସ୍ତ କରିଛନ୍ତି । ସୁନାବେଡ଼ା ଓ ଜୟପୁର ପୌରାଞ୍ଚଳ ଏବଂ କୋଟପାଡ଼ ବିଜ୍ଞପିତ ଅଞ୍ଚଳ ପରିଷଦରେ ସ୍ଵାଧୀନ ଓ କଂଗ୍ରେସ ପ୍ରାର୍ଥୀ ବିଜୟୀ ହୋଇଛନ୍ତି । ସୁନାବେଡ଼ାରେ ସ୍ଵାଧୀନ ପ୍ରାର୍ଥୀ ରାଜେନ୍ଦ୍ର କୁମାର ପାତ୍ରଙ୍କ ଠାରୁ ବିଜେଡି ପ୍ରାର୍ଥୀ 1132 ଭୋଟ ବ୍ୟବଧାନ ପରାଜିତ ହୋଇଛି । ଜୟପୁରରେ କଂଗ୍ରେସ ଦଳର ପ୍ରାର୍ଥୀ ନରେନ୍ଦ୍ର ମହାନ୍ତିଙ୍କ ଠାରୁ ବିଜେଡି ପ୍ରାର୍ଥୀ 5306 ଭୋଟ ବ୍ୟବଧାନରେ ପରାଜିତ ହୋଇ ଦ୍ଵିତୀୟ ସ୍ଥାନରେ ରହିଛି ।