କୋରାପୁଟ: ବୁଧବାର ଇଭିଏମ ଓ ଭିଭିପାଟ ସଚେତନତାର ଦ୍ଵିତୀୟ ପର୍ଯ୍ୟାୟ ଆରମ୍ଭ ହେବ। କୋରାପୁଟ ଜିଲ୍ଲା ପ୍ରଶାସନ ତରଫରୁ ଜିଲ୍ଲାର ୨୦୦୦ ଗ୍ରାମରେ ସଚେତନତା ରଥ ପହଞ୍ଚି ଜନସାଧାରଣଙ୍କ ସହ କଥାବାର୍ତ୍ତା କରି ସେମାନଙ୍କ ବିଭିନ୍ନ ପ୍ରଶ୍ନର ଉତ୍ତର ଦେଇ ଆସିଥିବା ଜିଲ୍ଲାପାଳ କେ.ସୁଦର୍ଶନ ଚକ୍ରବର୍ତ୍ତୀ ମଙ୍ଗଳବାର ଆୟୋଜିତ ସାମ୍ବାଦିକ ସମ୍ମିଳନୀରେ ଜଣାଇଛନ୍ତି।
ଚଳିତ ଥର ସଚେତନତା ରଥ ବର୍ତ୍ତମାନ ପର୍ଯ୍ୟନ୍ତ ଅପହଞ୍ଚ ରହିଯାଇଥିବା ଗ୍ରାମ ଗୁଡିକୁ ଯିବା ସହ ପ୍ରଥମ ପର୍ଯ୍ୟାୟରେ ଯାଇସାରିଥିବା ଗ୍ରାମ ଗୁଡିକୁ ମଧ୍ୟ ଦ୍ବିତୀୟଥର ପାଇଁ ଯିବ। ଲୋକଙ୍କୁ ଇଭିଏମ ଓ ଭିଭିପାଟ ସମ୍ପର୍କରେ ସଚେତନତା ସୃଷ୍ଟି କରିବା ସହ ମକ୍ ଭୋଟଦାନ କରି ଜନସାଧାରଣଙ୍କୁ ପରୀକ୍ଷାମୂଳକ ଭାବେ ନିଜେ ନିର୍ବାଚନ ପୂର୍ବରୁ ଭୋଟ ଦେବାର ବ୍ୟବସ୍ଥା ସହିତ ଯୋଡି ହୋଇଯିବାର ସୁଯୋଗ ପ୍ରଦାନ କରାଯିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି।