କୋରାପୁଟ: ପ୍ରାୟ ଏକ ବର୍ଷ ପରେ ଆଜି(ମଙ୍ଗଳବାର) ଠାରୁ କୋରାପୁଟ ଓ ରାଉରକେଲା ମଧ୍ୟରେ ଟ୍ରେନ ସେବା ପୁଣି ଥରେ ଆରମ୍ଭ ହୋଇଛି । ଆଜି ସକାଳେ ରାଉରକେଲାରୁ କୋରାପୁଟକୁ ଏହି ଟ୍ରେନ ପହଞ୍ଚିଥିବା ବେଳେ ସନ୍ଧ୍ୟାରେ ପୁଣିଥରେ ରାଉରକେଲା ଅଭିମୁଖେ ଯାତ୍ରା ଆରମ୍ଭ କରିଛି ।
ତେବେ କୋଭିଡ଼ କଟକଣା ବଳବତ୍ତର ରହିଥିଲେ ହେଁ ଗତ କିଛିଦିନ ପୂର୍ବେ ରେଳ ଷ୍ଟେସନରେ ଯାତ୍ରୀଙ୍କ ସ୍ୱାସ୍ଥ୍ୟ ପରୀକ୍ଷା ହେଲା ଭଳି ଆଜି କୌଣସି ବ୍ୟବସ୍ଥା ନଥିବା ଯୋଗୁଁ ଯାତ୍ରୀମାନେ ଟ୍ରେନରୁ ଓହ୍ଲାଇ ବିନା କୌଣସି ଯାଞ୍ଚରେ ସିଧାସଳଖ ସହର ଅଭିମୁଖେ ଚାଲି ଯାଇଥିଲେ । ସୂଚନାଥାଉ କି, କୋରୋନା ଯୋଗୁଁ ବର୍ଷେ ହେଲା ଏହି ଟ୍ରେନ ସେବା ବନ୍ଦ ରହିଥିଲା ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
