କୋରାପୁଟ:ଜିଲ୍ଲାରେ ଲୋକଙ୍କ ମଧ୍ୟରେ କୋରୋନା ଭୂତାଣୁକୁ ପ୍ରତିରୋଧ କରିବା ଶକ୍ତି କେତେ ବିକଶିତ ହୋଇଛି ତାହା ପରୀକ୍ଷା କରିବା ପାଇଁ ଭୁବନେଶ୍ବରରୁ ଏକ ସ୍ଵତନ୍ତ୍ର ଟିମ ବୁଧବାର ଜିଲ୍ଲା ଗସ୍ତରେ ଆସିବାକୁ ଯାଉଛି । ଏନେଇ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ମକରନ୍ଦ ବେଉରା ସୂଚନା ପ୍ରଦାନ କରିଛନ୍ତି ।
ଏହି ବିଶେଷଜ୍ଞ ଟିମ 10ଟି ଗ୍ରାମରେ ଆସନ୍ତା ଗୁରୁବାର ଠାରୁ ଶନିବାର ପର୍ଯ୍ୟନ୍ତ ତିନିଦିନ ଧରି ବିଭିନ୍ନ ବ୍ୟକ୍ତିଙ୍କ ଠାରୁ ନମୁନା ସଂଗ୍ରହ କରି ଭୁବନେଶ୍ଵରରେ ପରୀକ୍ଷା କରିବା ପାଇଁ ନେଇଯିବ ବୋଲି ଡାକ୍ତର ବେଉରା ଜଣାଇଛନ୍ତି । ଗତବର୍ଷ ମଧ୍ୟ ବିଶେଷଜ୍ଞଙ୍କ ଏକ ଟିମ କୋରାପୁଟ ଜିଲ୍ଲାର 10 ଟି ଗ୍ରାମରେ ସେରୋ ସର୍ଭେ କରିଥିଲେ। ତେଣୁ ଚଳିତବର୍ଷର ସର୍ଭେ ପୂରଣ ହେବାପରେ ବାସ୍ତବରେ ଲୋକଙ୍କ ମଧ୍ୟରେ କେତେ ପରିମାଣର ପ୍ରତିରୋଧକ ଶକ୍ତି ବୃଦ୍ଧି ପାଇଛି ତାହା ଜଣାପଡିବ ବୋଲି କିହଛନ୍ତି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ।
କୋରାପୁଟରୁ ସିଏଚ ସାନ୍ତାକାର, ଇଟିଭି ଭାରତ
