କୋରାପୁଟ: ମୁଣ୍ଡରେ ପଡିଥିଲା ଟାଙ୍ଗିଆ ଚୋଟ । ଏପରି ଅବସ୍ଥାରେ ଦୀର୍ଘ ୨୪ ଘଣ୍ଟା ଧରି ନିଜ ଜୀବନ ସହ ସଙ୍ଘର୍ଷ କରିଥିଲେ ଜଣେ ଅଜଣା ବ୍ୟକ୍ତି। ଅଚେତ ଅବସ୍ଥାରେ ପଡି ରହିଲେ ହସ୍ପିଟାଲ ଶଯ୍ୟାରେ । ମୁଣ୍ଡର ଗଭୀର ଭାଗରେ ଆଘାତ ଲାଗିଥିବାରୁ ଚିକିତ୍ସାରେ ବିଳମ୍ବ ହୋଇଥିଲା । ଶେଷରେ ହରାଇଥିଲେ ନିଜ ଜୀବନ ।
ସୂଚନା ମୁତାବକ, ନବରଙ୍ଗପୁରର ଆମ୍ବୁଲାନ୍ସ ଗତକାଲି ରାତିରେ ଏକ ଅଜଣା ବ୍ୟକ୍ତିଙ୍କୁ କ୍ଷତବିକ୍ଷତ ଅବସ୍ଥାରେ ଆଣି କୋରାପୁଟସ୍ଥିତ ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲରେ ଛାଡି ଚାଲିଯାଇଥିଲା । ତେବେ ଗୁରୁତର ଅବସ୍ଥାରେ ସେହି ଅଜଣା ବ୍ୟକ୍ତିଙ୍କ ଚିକିତ୍ସା ଆରମ୍ଭ କରିଥିଲେ ହସ୍ପିଟାଲ କର୍ମଚାରୀ । ତେବେ ସେ ଅତ୍ୟଧିକ ଗୁରୁତର ଥିବାରୁ ତାଙ୍କୁ କୋରାପୁଟରେ ଚିକିତ୍ସା କରିବା ସମ୍ଭବ ନଥିବା ହସ୍ପିଟାଲ କର୍ତ୍ତୃପକ୍ଷ କହିଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ