୬୦୦ କେଜି ଗଞ୍ଜେଇ ସହ ବୋଲେରୋ ଜବତ, ଗଞ୍ଜେଇ ମାଫିଆ ଫେରାର

ଶୁକ୍ରବାର ରାତିରେ ଲମତାପୁଟ ପୋଲିସ ପାଟ୍ରୋଲିଂ କରୁଥିବାବେଳେ କଡ୍ରି ଗାଁ ନିକଟରେ ଏକ ଗଞ୍ଜେଇ ବୋଝେଇ ବୋଲେରୋକୁ ଜବତ କରିବାରେ ସଫଳ ହେଇଛି ।

କୋରାପୁଟ: 600 କିଲୋଗ୍ରାମ ଗଞ୍ଜେଇ ସହ ବୋଲେରୋ ଜବତ କଲେ ଲମତାପୁଟ ପୋଲିସ । ଶୁକ୍ରବାର ରାତିରେ ଲମତାପୁଟ ପୋଲିସ ପାଟ୍ରୋଲିଂ କରୁଥିବା ବେଳେ କଡ୍ରି ଗାଁ ନିକଟରେ ଏକ ଗଞ୍ଜେଇ ବୋଝେଇ ବୋଲେରୋକୁ ଜବତ କରିବାରେ ସଫଳ ହେଇଛି ।

ସୂଚନା ଅନୁଯାୟୀ, ଶୁକ୍ରବାର ରାତିରେ ପୋଲିସ ପାଟ୍ରୋଲିଂ କରୁଥିବା ଖବର ପାଇ ଦୁଇ ଜଣ ଗଞ୍ଜେଇ ମାଫିଆ ଗାଡି ଛାଡି ଘଟଣାସ୍ଥଳରୁ ଫେରାର ହୋଇ ଯାଇଥିଲେ । ପରେ ପୋଲିସ କଡ୍ରି ଗାଁ ନିକଟରୁ ଗଞ୍ଜେଇ ବୋଝେଇ ବୋଲେରୋକୁ ଲମତାପୁଟ ଥାନାକୁ ଆଣିଥିଲେ । ଯେଉଁଥିରେ ୬୦୦କେଜିରୁ ଊର୍ଦ୍ଧ୍ବ ଗଞ୍ଜେଇ ଜବତ କରାଯାଇଛି ।

ପ୍ରାଥମିକ ତଦନ୍ତରୁ ଜବତ ହୋଇଥିବା ଗଞ୍ଜେଇ ଜଲାପୁଟ ଅଞ୍ଚଳରୁ ଜୟପୁରକୁ ଚୋରା ଚାଲାଣ ହେଉଥିବା ପୋଲିସ ଜାଣିବାକୁ ପାଇଛନ୍ତି । ଏପଟେ ଜବତ ଗଞ୍ଜେଇର ଆନୁମାନିକ ମୂଲ୍ୟ ୨୦ ଲକ୍ଷ ଟଙ୍କାରୁ ଊର୍ଦ୍ଧ୍ବ ହେବ ବୋଲି ଅନୁମାନ କରାଯାଉଥିବାବେଳେ ଘଟଣାର ଅଧିକ ତଦନ୍ତ ଜାରି ରହିଛି ।

କୋରୋପୁଟରୁ ସି.ଏଚ୍ ଶାନ୍ତାକାର, ଇଟିଭି ଭାରତ