କୋରାପୁଟ:ଜମି ହଡପ ଅଭିଯୋଗକୁ ନେଇ ଦୁଇପକ୍ଷ ପରସ୍ପରକୁ ଦାୟୀ କରି ମୁହାଁମୁହିଁ । ଏନେଇ ଦୁଇ ପକ୍ଷ ସାମ୍ବାଦିକ ସମ୍ମିଳନୀ ଡାକିବା ସହ ପରସ୍ପର ଉପରେ ବର୍ଷିଥିବା ଦେଖିବାକୁ ମିଳିଛି । ଏପରି ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲା ସେମିଳିଗୁଡାରେ ।
ଜମି ହଡପ ଅଭିଯୋଗରେ ଉଭୟ ପକ୍ଷ ମୁହାଁମୁହିଁ, ସାମ୍ବାଦିକ ସମ୍ମିଳନୀରେ ପରସ୍ପରକୁ କଲେ ଦାୟୀ
ଏକ ପକ୍ଷରେ ବିଶିଷ୍ଟ ସର୍ବୋଦୟ କର୍ମୀ କୃଷ୍ଣ ସିଂ ଭୂଦାନ ଆନ୍ଦୋଳନ ସମୟରେ ଗ୍ରାମଦାନ ସଂସ୍ଥା ନାମରେ କିଣାଯାଇଥିବା ଏକ ଜମିକୁ ଅନ୍ୟାୟ ଭାବେ ରବିନ ଚାନ୍ଦ ଟାକିରି ନାମକ ଜଣେ ସ୍ଥାନୀୟ ବ୍ୟକ୍ତି ହଡପ କରିଥିବା ଅଭିଯୋଗ ନେଇ ସାମ୍ବାଦିକ ସମ୍ମିଳନୀରେ କ୍ଷୋଭ ପ୍ରକାଶ କରିଥିଲେ । କିନ୍ତୁ ତା ପରେ ପରେ ରବିନ ଚାନ୍ଦ ଟାକିରି ଏକ ସାମ୍ବାଦିକ ସମ୍ମିଳନୀ ଡାକି କୃଷ୍ଣ ସିଂ କରିଥିବା ଅଭିଯୋଗକୁ ଖଣ୍ଡନ କରିବା ସହ ସେହି ଜମିକୁ ସେ ଜଣେ ସ୍ଥାନୀୟ ବ୍ୟକ୍ତିଙ୍କ ଠାରୁ କିଣିଛନ୍ତି ବୋଲି ଦାବି କରିଛନ୍ତି ।