କୋରାପୁଟରୁ 11 ଦାଦନ ଶ୍ରମିକ ଉଦ୍ଧାର, ଦଲାଲ ଗିରଫ

କୋରାପୁଟ ଟାଉନ ଥାନା ପୋଲିସ 11ଜଣ ଦାଦନ ଶ୍ରମିକଙ୍କୁ ଉଦ୍ଧାର କରିଛି । ଏମାନେ ଦାଦନ ଖଟିବାକୁ ନବରଙ୍ଗପୁରରୁ ବିଶାଖାପାଟଣା ଯାଉଥିଲେ ।

କୋରାପୁଟ: ଦାଦନ ଖଟିବାକୁ ଯାଉଥିବାବେଳେ 11 ଜଣ ଉଦ୍ଧାର । କୋରାପୁଟ ପୋଲିସ 11ଜଣଙ୍କୁ ଉଦ୍ଧାର କରିଛି । ସେମାନଙ୍କୁ ଦାଦନ ଖଟିବାକୁ ନେଇଯାଉଥିବା ଦଲାଲକୁ ମଧ୍ୟ ଗିରଫ କରିଛି ପୋଲିସ । 11 ଜଣଙ୍କ ମଧ୍ୟରେ 6 ଜଣ ନାବାଳକ ଅଛନ୍ତି । ଉଦ୍ଧାର ହୋଇଥିବା ସମସ୍ତେ ନବରଙ୍ଗପୁର ଜିଲ୍ଲାର ବୋଲି ଜଣାପଡିଛି ।

ସୂଚନା ଅନୁଯାୟୀ, ନବରଙ୍ଗପୁରର ରାଇଘରରୁ ଶ୍ରମିକ ଦାଦନ ଖଟିବା ପାଇଁ ବିଶାଖାପାଟଣା ଯାଉଥିଲେ । ଖବର ପାଇ କୋରାପୁଟ ଟାଉନ ଥାନା ପୋଲିସ ସେମାନଙ୍କୁ ଉଦ୍ଧାର କରିଛି । ତେବେ ଗତ 2 ଦିନ ତଳେ ରାଇଘର ଅଞ୍ଚଳରୁ 17ଜଣ ଯୁବତୀ ଦାଦନ ଖଟିବାକୁ ଯାଉଥିବା ବେଳେ ଜୟପୁର ପୋଲିସ ତାଙ୍କୁ ଉଦ୍ଧାର କରିଥିଲା ।

କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ