ଖୋର୍ଦ୍ଧାରୁ ଜଙ୍ଗଲୀ ଭାଲୁ ଉଦ୍ଧାର

ଚିଲିକା ବ୍ଲକ ଦାଶରଥିପୁର ଶାସନରୁ ଏକ ଜଙ୍ଗଲୀ ଭାଲୁ ଉଦ୍ଧାର । ଖୋର୍ଦ୍ଧା ଜିଲ୍ଲାର ଚିଲିକା ବ୍ଲକ ଅନ୍ତର୍ଗତ ବଉଳାବନ୍ଧ ପଞ୍ଚାୟତର ଦାଶରଥିପୁର ଶାସନରୁ ଏକ ଜଙ୍ଗଲୀ ଭାଲୁ ଉଦ୍ଧାର ହୋଇଛି।

ଖୋର୍ଦ୍ଧା: ଚିଲିକା ବ୍ଲକ ଅନ୍ତର୍ଗତ ବଉଳାବନ୍ଧ ପଞ୍ଚାୟତର ଦାଶରଥିପୁର ଶାସନରୁ ଏକ ଜଙ୍ଗଲୀ ଭାଲୁ ଉଦ୍ଧାର ହୋଇଛି । ଦୁଇଟି ଭାଲୁ ପରସ୍ପର ମଧ୍ୟରେ କାମୁଡ଼ା କାମୁଡି ହୋଇ ଦୌଡ଼ା ଦୌଡ଼ି ହେଉଥିବା ବେଳେ ସେମାନଙ୍କ ମଧ୍ୟରୁ ଗୋଟିଏ ଭାଲୁ ଏକ କୂଅରେ ଖସି ପଡିଥିଲା। ଗ୍ରାମବାସୀ ଭାଲୁଟିକୁ ଉଦ୍ଧାର କରି ବନବିଭାଗକୁ ଯୋଗାଯୋଗ କରିବାକୁ ଚେଷ୍ଟା କରିଥିଲେ। କିନ୍ତୁ ଯୋଗାଯୋଗ ନ ହେବାରୁ ଗଙ୍ଗାଧରପୁର ଅଗ୍ନିଶମ ବିଭାଗକୁ ସୂଚନା ଦେଇଥିଲେ।

ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ସେହି ଭାଲୁକୁ ନେଇ ଅନ୍ୟତ୍ର ଖୋଲା ଜାଗାରେ ନେଇ ଛାଡ଼ିଦେଇଥିବା ସୂଚନା ମିଳିଛି। ଭାଲୁଟି ଏକ ଜଙ୍ଗଲୀ ଭାଲୁ ହୋଇଥିବା ବେଳେ ସେମାନେ ଅନେକ ସମୟରେ ମାଛ ଖାଇବା ପାଇଁ ଚିଲିକା କୂଳକୁ ଆସନ୍ତି ବୋଲି ଅଗ୍ନିଶମ ବିଭାଗ ଅଧିକାରୀ କହିଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ