ଖୋର୍ଦ୍ଧା: ଆଗକୁ ଆସୁଛି ପଞ୍ଚାୟତ ନିର୍ବାଚନ । ଆଉ ଏହି ସମୟରେ ଜାତୀୟ କଂଗ୍ରେସକୁ ପଡିଛି ଶନି ଦଶା । ଜଣକ ପରେ ଜଣେ ଅଭିଜ୍ଞ ରାଜନେତା ଦଳ ଛାଡୁଛନ୍ତି । ସ୍ଥିତି ଏପରି ହେଉଛି ରାଜ୍ୟରେ କଂଗ୍ରେସ ଦଳ ଯେମିତି ନିଜ ସ୍ଥିତି ବଞ୍ଚାଇବା ପାଇଁ ସଂଘର୍ଷ କରୁଛି । ନିକଟରେ ବେଗୁନିଆ ବୋଲଗଡ କଂଗ୍ରେସ ନେତା ପ୍ରଦୀପ ସାହୁ ବିଜୁ ଜନତା ଦଳରେ ସାମିଲ ହେବାପରେ କଂଗ୍ରେସର ଗଡ ବୋଲାଉଥିବା ବେଗୁନିଆ ବୋଲଗଡ ନିର୍ବାଚନ ମଣ୍ଡଳୀ ଏବେ ନେତା ଶୂନ୍ୟ ହୋଇଥିବା ଚର୍ଚ୍ଚା ହେଉଛି ।
ବୋଲଗଡ ବେଗୁନିଆରେ କିଏ ନେବ କଂଗ୍ରେସ ନେତୃତ୍ବ? ଆସିବେ କି ପୃଥ୍ବୀ ବଲ୍ଲଭ
କିନ୍ତୁ ଏହି ଚର୍ଚ୍ଚାରେ ପୂର୍ଣ୍ଣଛେଦ ଟାଣି ସାମ୍ନାକୁ ଆସିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ଜାନକୀ ପଟ୍ଟନାୟକଙ୍କ ପୁଅ ପୃଥ୍ବୀ ବଲ୍ଲଭ ପଟ୍ଟନାୟକ । ପୃଥ୍ବୀ ପ୍ରଦୀପଙ୍କୁ ତେର୍ଛା ବାଣ ମାରି କହିଛନ୍ତି ଏବେ କଂଗ୍ରେସର ଖରାପ ସମୟ ଚାଲିଛି । ଏଥିପାଇଁ ଦଳକୁ ବହୁ ଲୋକ ତ୍ୟାଗ କରୁଛନ୍ତି । ଏହି ସମୟରେ ବିଚଳିତ ନହୋଇ ଲୋକଙ୍କ ସେବା କରିବାକୁ କର୍ମୀଙ୍କୁ ନିବେଦନ କରିଛନ୍ତି ପୃଥ୍ବୀ ।