କାଜୁ ଜଙ୍ଗଲରେ ବୋମାମାଡ, ଦୁଇ ଗୁରୁତର

ଖୋର୍ଦ୍ଧା ନିକଟସ୍ଥ ଅର୍ଜୁନପୁର କାଜୁ ଜଙ୍ଗଲରେ ବୋମାମାଡ଼ କଲେ ଦୁର୍ବୁତ୍ତ । ଆହତ ହସପିଟାଲରେ ଭର୍ତ୍ତି । ପୋଲିସ ଘଟଣାର ତନାଘନା କରୁଛି ।

ଖୋର୍ଦ୍ଧା: କାଜୁ ଜଙ୍ଗଲରେ ବୋମାମାଡ଼ରେ ଦୁଇ ଗୁରୁତର । ଖୋର୍ଦ୍ଧା ନିକଟସ୍ଥ ଅର୍ଜୁନପୁର କାଜୁ ଜଙ୍ଗଲରେ କିଛି ଦୁର୍ବୁତ୍ତ ବୋମାମାଡ଼ କରିଛନ୍ତି। ବୋମାମାଡ଼ରେ କାଜୁ ଜଙ୍ଗଲର ଦୁଇ ଜଗୁଆଳି ଗୁରୁତର ଆହତ ହୋଇଥିବା ସୂଚନା ମିଳିଛି । ଖୋର୍ଦ୍ଧା ଆଦର୍ଶ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଗୁରୁତର ଜଗୁଆଳିଙ୍କୁ ସ୍ଥାନୀୟ ମେଡିକାଲରେ ଚିକିତ୍ସା ପାଇଁ ଭର୍ତି କରିବା ସହ ଘଟଣାର ତଦନ୍ତ ଚଳାଇଛି ।

ବୋମାମାଡ଼ରେ ଜଗୁଆଳି ମାନଙ୍କ ଶରୀରର ଅଧିକାଂଶ ସ୍ଥାନରେ କ୍ଷତ ସୃଷ୍ଟି ହୋଇଛି । କାଜୁ ଜଙ୍ଗଲରେ ବେଆଇନ ପଥର ଉତ୍ତୋଳନ କରିବାକୁ ବିରୋଧ କରିବାରୁ ବୋମାମାଡ଼ ହୋଇଥିବା ପୋଲିସ ଅନୁମାନ କରିଛି । ଏନେଇ ଅଧିକ ତଦନ୍ତ ଜାରି ରହିଥିବା କହିଛି ପୋଲିସ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ