ଖୋର୍ଦ୍ଧା: ବେଗୁନିଆ ପଞ୍ଚାୟତ ସମିତିରେ ଶନିବାର ଅଧ୍ୟକ୍ଷ ପଦ ପାଇଁ ନିର୍ବାଚନ ହୋଇଥିଲା । ନିର୍ବାଚନ ହାରିବା ପରେ ବିପକ୍ଷ ଗୋଷ୍ଠୀ ପକ୍ଷରୁ ବେଗୁନିଆ ବ୍ଲକ ଭିତରେ ପଶି ପୋଲିସ ଉପସ୍ଥିତିରେ ହିଂସାକାଣ୍ଡ ଘଟାଇଥିଲେ । ଏହି ଘଟଣାରେ ଆଜି (ରବିବାର)ମୁଖ୍ୟ ଅଭିଯୁକ୍ତ ସମେତ ଦୁଇ ଜଣଙ୍କୁ ଗିରଫ କରିଛି ପୋଲିସ। ଏ ନେଇ ସୂଚନା ଦେଇଛନ୍ତି ଖୋର୍ଦ୍ଧା ଏସପି ଅଲେଖ ଚନ୍ଦ୍ର ପାହି ।
ବେଗୁନିଆ ନିର୍ବାଚନୀ ହିଂସା: ୨ଜଣକୁ ବାନ୍ଧିଲା ପୋଲିସ
ସମ୍ବିତ କୁମାର ମହାଭୋଇଙ୍କ ଅଭିଯୋଗକୁ ଭିତ୍ତି କରି ୧୬ ଜଣ ଅଭିଯୁକ୍ତଙ୍କ ନାମରେ ୧୧ଟି ସଙ୍ଗୀନ ଦଫା ଲଗାଯାଇ ମାମଲା ରୁଜ୍ଜୁ କରାଯାଇଛି । ଗିରଫ ମୁଖ୍ୟ ଅଭିଯୁକ୍ତ ବେଗୁନିଆ ପଞ୍ଚାୟତର ସରପଞ୍ଚ ତଥା ଖୋର୍ଦ୍ଧା ଜିଲ୍ଲା ବିଜେଡିର ଉପ ସଭପତି ସତ୍ୟ ନାରାୟଣ ପ୍ରଧାନ ଏବଂ ସୁରେନ୍ଦ୍ର ପାଲଟାସିଂହକୁ ବେଗୁନିଆ ପୋଲିସ ଗିରଫ କରିଥିବା ଏସପି ଅଲେଖ ଚନ୍ଦ୍ର ପାହି ସୂଚନା ଦେଇଛନ୍ତି ।