ହେଲମେଟ ନାହିଁ ବୋଲି ଜରିମାନା ଦେଲେ ଟ୍ରକ ଡ୍ରାଇଭର

ଟ୍ରକ ଡ୍ରାଇଭର ପିନ୍ଧିନଥିଲା ହେଲମେଟ । ଆଉ ଏହି ଭୁଲ ପାଇଁ ଏମଭିଆଇ କାଟିଲା ଚାଲଣ । ଖୋର୍ଦ୍ଧା ଠାରେ ପଶ୍ଚିମବଙ୍ଗର ଏକ ଟମାଟୋ ବୋଝେଇ ଟ୍ରକକୁ ଅଟକାଇ ୩୫ ହଜାର ୫୦୦ ଟଙ୍କାର ଫାଇନ୍ କଟାଯାଇଛି। ତେବେ କିଭଳି ଏହି ନୂଆ ମୋଟର ଯାନ ଆଇନକୁ ଦେଖି ଆଚମ୍ବିତ ଲୋକ ।

ଭୁବନେଶ୍ବର: ନୂଆ ମୋଟର ଯାନ ଆଇନ ଆଳରେ ଟ୍ରାଫିକ ପୋଲିସ ଓ ଏମଭିଆଇ ଆତଙ୍କ ରାଜ ଚଳାଉଥିବା ସାଧାରଣ ଜନତା ଅଭିଯୋଗ କରିଛନ୍ତି । ଟ୍ରକ ଚାଳକଙ୍କ ଠାରୁ ବି ଏମଭିଆଇ ହେଲମେଣ୍ଟ ପିନ୍ଧିନଥିବା ଅଭିଯୋଗରେ ଫାଇନ୍ କଟାଯାଇଛି ।

ଖୋର୍ଦ୍ଧା ନିକଟରେ ପଶ୍ଚିମବଙ୍ଗର ଏକ ଟମାଟୋ ବୋଝେଇ ଟ୍ରକକୁ ଅଟକାଇ ୩୫ ହଜାର ୫୦୦ ଟଙ୍କାର ଫାଇନ୍ କଟାଯାଇଛି । ଏହି ୧୦ ଚକିଆ ଟ୍ରକ ଚାଳକଙ୍କ ଉପରେ ଯେଉଁ ୯ଟି ଫାଇନ୍ ପଡିଛି ସେଥିରେ ୮ ନମ୍ବର ଫାଇନ ପଡିଛି ଡ୍ରାଇଭର ହେଲମେଟ ପିନ୍ଧିନଥିଲେ। ପ୍ରଶ୍ନ ଉଠୁଛି ଜଣେ ଟ୍ରକ ଡ୍ରାଇଭର କାହିଁକି ହେଲମେଟ ପିନ୍ଧିବ? ଏଭଳି ନୂଆ ମୋଟର ଯାନ ଆଇନ ବାବଦରେ ଜାଣିବା ପରେ ଆଚମ୍ବିତ ଲୋକେ।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ