ପର୍ଯ୍ୟଟକଙ୍କ ପାଇଁ ଖୋଲିଲା ଅଟ୍ରି ଉଷ୍ମ ପ୍ରସ୍ରବଣ କେନ୍ଦ୍ର

ଖୋଲିଲା ପର୍ଯ୍ୟଟନ ସ୍ଥଳୀ ଅଟ୍ରି ଉଷ୍ମ ପ୍ରସ୍ରବଣ କେନ୍ଦ୍ର । କୋରୋନା ପାଇଁ ଦୀର୍ଘ ଆଠ ମାସ ଧରି ଜିଲ୍ଲାର ସମସ୍ତ ପର୍ଯ୍ୟଟନ ସ୍ଥଳୀରେ ଝୁଲିଥିଲା ତାଲା । ଅଧିକ ପଢନ୍ତୁ...

ଖୋର୍ଦ୍ଧା: ଖୋଲିଲା ପର୍ଯ୍ୟଟନ ସ୍ଥଳୀ ଅଟ୍ରି ଉଷ୍ମ ପ୍ରସ୍ରବଣ କେନ୍ଦ୍ର । କୋରୋନା ପାଇଁ ଦୀର୍ଘ ଆଠ ମାସ ଧରି ଜିଲ୍ଲାର ସମସ୍ତ ପର୍ଯ୍ୟଟନ ସ୍ଥଳୀରେ ଝୁଲିଥିଲା ତାଲା । ସମସ୍ତ ପର୍ଯ୍ୟଟକଙ୍କୁ ପର୍ଯ୍ୟଟନ ସ୍ଥଳୀ ମଧ୍ୟକୁ ପ୍ରବେଶ ଉପରେ କଟକଣା ଲଗାଇଥିଲେ ସରକାର । କିନ୍ତୁ ଏବେ ଖୋର୍ଦ୍ଧା ଜିଲ୍ଲା ପ୍ରଶାସନର ନିର୍ଦ୍ଦେଶ ପରେ ଜିଲ୍ଲାର ବିଭିନ୍ନ ପର୍ଯ୍ୟଟନ ସ୍ଥଳୀକୁ ଖୋଲା ଯାଇଛି । ସେହିଭଳି ପର୍ଯ୍ୟଟକଙ୍କ ପାଇଁ ଖୋଲାଯାଇଛି ବେଗୁନିଆର ଅଟ୍ରି ।

ଏହି ପର୍ଯ୍ୟଟନ ସ୍ଥଳୀ ପର୍ଯ୍ୟଟକଙ୍କ ପାଇଁ ଖୋଲା ହୋଇଥିଲେ ମଧ୍ୟ ପ୍ରଚାର ପ୍ରସାର ଅଭାବରୁ ଏହି ସ୍ଥାନକୁ ପର୍ଯ୍ୟଟକ ଆସୁନଥିବା ଅଭିଯୋଗ କରିଛନ୍ତି ଏହି ପର୍ଯ୍ୟଟନ ସ୍ଥଳୀ ଉପରେ ନିର୍ଭର କରି ଚଳୁଥିବା ପୂଜକ ମାନେ । ସେହିପରି ଦୀର୍ଘ ଆଠ ମାସ ଧରି ସମସ୍ୟାରେ ଚାଲୁଥିବା ପୂଜକ ମାନେ ଏହି ସ୍ଥଳୀ ଖୋଲିବା ଦ୍ବାରା କିଛିଟା ଆଶ୍ବସ୍ଥି ଅନୁଭବ କରିଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ