ଖୋର୍ଦ୍ଧା: ପଣ୍ଡ ହେଲା ଶିଶୁକୁ ଅପହରଣ କରିବା ଉଦ୍ୟମ । ଗିରଫ ହେଲେ ଅପହରଣକାରୀ । ଜଣେ 9 ବର୍ଷର ନାବାଳିକାକୁ ଅପହରଣ କରିବାକୁ ଉଦ୍ୟମ କରୁଥିବା ସମୟରେ ଶିଶୁ କନ୍ୟାର ମା' ହାତରେ ଧରାପଡିଛି ଅଭିଯୁକ୍ତ ।
ସୂଚନା ଅନୁଯାୟୀ ,ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ବଡ଼ବେରଣା ଗ୍ରାମ ପଞ୍ଚାୟତର ଗୋବିନ୍ଦପୁର ଗ୍ରାମର ଜୈନିକା ନାବାଳିକାକୁ ସେହି ଗ୍ରାମର ସଞ୍ଜୟ ଛାଟୋଇ ଗତକାଲି(ରବିବାର) ସଂନ୍ଧ୍ୟାରେ ଅପହରଣ କରିବାକୁ ଉଦ୍ୟମ କରି ମୁଁହ ଚାପି ରଖିଥିଲା ।
ମାତ୍ର ଅପହରଣ ଉଦ୍ୟମରେ ନାବାଳିକାର ମା' ଦେଖିପାରି ଜୋରରେ ପାଟି କରିଥିଲେ । ଏହାଦେଖି ଅପହରଣକାରୀ ଶିଶୁଟିକୁ ଛାଡ଼ି ପଳାଇଥିବା ବେଗୁନିଆ ଥାନାରେ ଅଭିଯୋଗ ହୋଇଛି । ପୂର୍ବରୁ ମଧ୍ୟ ନାବାଳିକାର ମା'ଙ୍କୁ ଅଭିଯୁକ୍ତ ଜଣକ ମରଣାନ୍ତକ ଆକ୍ରମଣ କରିଥିଲା । ଏନେଇ ସେ ଜେଲରେ ସଜା କାଟୁ ଥିବାବେଳେ ଏବେ ଜେଲରୁ ବେଲରେ ଆସି ବାହାରେ ବୁଲୁଛି ।
ତେବେ ପୂର୍ବ ଶତ୍ରୁତା କାରଣରୁ ଶିଶୁକୁ ଅପହରଣ କରିନେବାକୁ ଉଦ୍ୟମ କରିଥିବା ଜଣାପଡ଼ିଛି । ଖବର ପାଇ ବେଗୁନିଆ ପୋଲିସ ଅପହରଣକାରୀ ସଞ୍ଜୟକୁ ଗିରଫ କରି ଆଜି କୋର୍ଟଚାଲାଣ କରିଥିବା ଜଣାପଡ଼ିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
