ଖୋର୍ଦ୍ଧା : ସ୍ୱଚ୍ଛ ଭାରତ ଯୋଜନାରେ ଘରେ ଘରେ ପାଇଖାନା ଯୋଗାଇଦେବା ସହିତ ଗାଁଗୁଡିକୁ ବାହ୍ୟ ମଳମୁକ୍ତ ଅଞ୍ଚଳ କରିବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ସରକାର । ଖୋର୍ଦ୍ଧାରେ କିନ୍ତୁ ସ୍ବଚ୍ଛ ଭାରତ ଦିଗହାରା ପରି ମନେ ହେଉଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
କେଉଁଠାରେ ସିଧାସଳଖ ହିତାଧିକାରୀଙ୍କୁ ଟଙ୍କା ଦେଇ ଶୌଚାଳୟ ନିର୍ମାଣ କରାଯାଉଛି ତ ଆଉ କେଉଁଠି ବେସରକାରୀ ସଂସ୍ଥା ଦ୍ୱାରା ନିର୍ମାଣ କରାଯାଉଛି ଶୌଚାଳୟ । ମାତ୍ର ଏହି ଶୌଚାଳୟକୁ କେତେଦୂର ହିତାଧିକାରୀ ଉପଯୋଗ ତାହା ନିଜ ଆଖିରେ ନଦେଖିଲେ ବିଶ୍ୱାସ କରିହେବନି । ସରକାର ଦେଇଥିବା ବାର ହଜାର ଟଙ୍କାରେ ପାଇଖାନା ନିର୍ମାଣ ହୋଇଛି କିନ୍ତୁ ଶୌଚ କାମରେ ନଲାଗି ଏବେ ପାଲଟିଛି ଅଳିଆ ଗଦା ଓ କାଠ ଘର । ଏଭଳି ଦୃଶ୍ୟ ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକର ମୁକୁନ୍ଦପୁର ଗ୍ରାମରେ ।