ଖୋର୍ଦ୍ଧା: ପୂର୍ବତନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକଙ୍କ ଜୟନ୍ତୀ ପାଳନ ଉତ୍ସବରେ ଯୋଗଦେଇ କଂଗ୍ରେସକୁ ତାତ୍ସଲ୍ୟ କଲେ ଜଟଣୀ ବିଧାୟକ ସୁର ରାଉତରାୟ । ଦଲ ପାଇଁ ବହୁତ କିଛି କରିବା ପରେ ମଧ୍ୟ ଦଳର ନେତୃବୃନ୍ଦ କୌଣସି ସ୍ଥାନରେ ଜାନକୀ ପଟ୍ଟନାୟକଙ୍କ ନାଁ ନେଉନଥିବା ଅଭିଯୋଗ ଆଣିଲେ ସୁର । ବାରମ୍ବାର ଦଳ ବିରୋଧି ମନ୍ତବ୍ୟ ଦେବା କାରଣରୁ ନିକଟରେ ଦଳ ତାଙ୍କୁ କାରଣ ଦର୍ଶାଅ ନୋଟିସ ଜାରି କରିଥିଲା । ଏବେ ପୁଣି ଥରେ ଏଭଳି କହି ଦଳକୁ ଟାର୍ଗେଟ କରିଛନ୍ତି ସୁର ।
ଆଜି ଖୋର୍ଦ୍ଧାସ୍ଥିତ ଜାନକୀ ବଲ୍ଲଭ ସ୍ମୃତି କମିଟି ଆନୁକୂଲ୍ୟରେ ଅନୁଷ୍ଠିତ ହୋଇଥିବା ଜାନକୀ ବଲ୍ଲଭଙ୍କ ୯୬ ତମ ଜନ୍ମ ଜୟନ୍ତୀ ଅବସରରେ ଏଭଳି ନିଜ ଦଳକୁ ତାତ୍ସଲ୍ୟ କରିଛନ୍ତି ବରିଷ୍ଠ କଂଗ୍ରେସ ବିଧାୟକ ସୁର ରାଉତରାୟ । ଦଳ ପାଇଁ ଜାନକୀ ବାବୁଙ୍କ ଅବଦାନ ଢେର ଅଧିକ ରହିଥିବାବେଳେ ଦଳରେ ତାଙ୍କୁ ଏକପ୍ରକାର ଅଣଦେଖା କରାଯାଉଥିବା ପ୍ରତିକ୍ରିୟାରେ କହିଛନ୍ତି । ଆଜି ଭଳି ପବିତ୍ର ଦିନରେ ଦଳରେ ତାଙ୍କ ଅବଦାନକୁ ଅଣଦେଖା କରିବା ଅଭିଯୋଗ ଲଗାଇ ଖୋଲା ମଞ୍ଚରେ ଜଟଣୀ ବିଧାୟକ ନିଜ ଦଳର ଚରିତ୍ର ନଥିବା କଥା କହିଛନ୍ତି ।