ଖୋର୍ଦ୍ଧା: ଦିନକ ପରେ ସାରାଦେଶ ପାଳିବ 73ତମ ସ୍ବାଧିନତା ଦିବସ । ସ୍ବାଧିନତା ଦିବସ ପୂର୍ବରୁ ଶୋଭାଯାତ୍ରାକୁ ନେଇ ଖୋର୍ଦ୍ଧା ପ୍ରାଣନାଥ କଲେଜରେ ଦୁଇ ଗୋଷ୍ଠୀ ମୁହାଁମୁହିଁ ହୋଇଛନ୍ତି । ଯାହାକୁ ନେଇ ଶୋଭାଯାତ୍ରା କରୁଥିବା ଛାତ୍ରମାନେ କଲେଜ ସମ୍ମୁଖରେ ଧାରଣାରେ ବସିଛନ୍ତି ।
ସୂଚନା ଅନୁଯାୟୀ, ପ୍ରାଣନାଥ କଲେଜରେ ଗୋଟିଏ ଗୋଷ୍ଠୀର ଛାତ୍ର ତ୍ରିରଙ୍ଗା ଧରି ମହାବିଦ୍ୟାଳୟ ପରିସରରେ ଏକ ଶୋଭାଯାତ୍ରା କରୁଥିଲେ । ହେଲେ ଏହି ସମୟରେ ଅନ୍ୟ ଏକ ଗୋଷ୍ଠିର ଛାତ୍ର ଆସି ସେମାନଙ୍କୁ ବିରୋଧ କରିବା ସହ ଠେଲାପେଲା କରିଥିଲେ । ଯାହାକୁ ନେଇ କଲେଜ ପରିସରରେ ଅପ୍ରିତିକର ପରିସ୍ଥିତି ସୃଷ୍ଟି ହୋଇଥିଲା । ଏହାକୁ ନେଇ ଶୋଭାଯାତ୍ରା କରୁଥିବା ଛାତ୍ରମାନେ କଲେଜ ପରିସରରେ ଧାରଣାରେ ବସିଛନ୍ତି । ଖବର ପାଇ କଲେଜ କର୍ତ୍ତୃପକ୍ଷ ଧାରଣାରତ ଛାତ୍ର ମାନଙ୍କୁ ବୁଝାସୁଝା କରିବା ପାଇଁ ଚେଷ୍ଟା ଜାରି ରଖିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ