ଖୋର୍ଦ୍ଧା: କୋରୋନା ମହାମାରୀର ମୁକାବିଲା ପାଇଁ ସାରା ଦେଶ ଲକଡାଉନ ଥିବା ବେଳେ ଏହାଦ୍ୱାରା ବିଶେଷ ପ୍ରଭାବିତ ହୋଇଛନ୍ତି ଦିନ ମଜୁରିଆ ଓ ଗରିବ ଖଟିଖିଆ । ରୋଜଗାର କରିବାକୁ ନା ସେମାନେ ଘରୁ ବାହାରକୁ ବାହାରି ପାରୁଛନ୍ତି ନା ସେମାନଙ୍କୁ କେଉଁଠାରେ କାମ ମିଳୁଛି ।
ଏମିତି ସ୍ଥିତିରେ ଏହି ଖଟିଖିଆ ଦିନ ମଜୁରିଆମାନେ ଅତ୍ୟନ୍ତ ଦୟନୀୟ ସ୍ଥିତି ଭିତରେ ଜୀବନ ବିତାଉଛନ୍ତି । ଏମାନଙ୍କ ଏଭଳି ଦୁର୍ଦ୍ଦଶା ଦେଖି ଏମାନଙ୍କୁ ସହାୟତାର ହାତ ବଢାଇଛନ୍ତି ଖୋର୍ଦ୍ଧା ଜିଲ୍ଲା ବୋଲଗଡ ବ୍ଳକର କଛି ଛାତ୍ରଛାତ୍ରୀ । ଅସହାୟ ଗରିବ ଲୋକମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରିବା ସହ ସାମାଜିକ ଦୂରତା ରକ୍ଷା କୋରୋନା ମହାମାରୀ ପାଇଁ ରାମବାଣ ସଦୃଶ୍ୟ ବୋଲି ବୁଝାଇଥିଲେ । ଏହିପରି ଅସହାୟଙ୍କ ପାଇଁ କାର୍ଯ୍ୟ କରି ଆତ୍ମସନ୍ତୋଷ ପାଉଥିବା କହିଛନ୍ତି ସ୍କୁଲ ଛାତ୍ରଛାତ୍ରୀ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ