ଖୋର୍ଦ୍ଧା: ଜିଲ୍ଲାସ୍ଥିତ ଚିଲିକାରେ ଭାରତୀୟ ନୌସେନା ଏବଂ ତଟରକ୍ଷକମାନଙ୍କ ପକ୍ଷରୁ ଏକ ପାସିଂ ଆଉଟ୍ ପରେଡ ଅନୁଷ୍ଠିତ ହୋଇଛି । ଏଥିରେ ନୌସେନା ଅଫିସରମାନେ ଭାଗ ନେଇ ଆକର୍ଷଣୀୟ ପରେଡ ପ୍ରଦର୍ଶନ କରିଛନ୍ତି । ଏଥିସହ ସ୍ନାତକ ମଧ୍ୟ ହାସଲ କରିଛନ୍ତି ।
ଆଜି(ମଙ୍ଗଳବାର) ଆଇଏନଏସ ଚିଲିକାରେ ଭାରତୀୟ ନୌସେନା ଏବଂ ତଟରକ୍ଷକ ବ୍ୟାଚର ପ୍ରଶିକ୍ଷାର୍ଥୀମାନେ ପାସିଂ ଆଉଟ ପରେଡ଼ରେ ଭାଗ ନେଇ ଆକର୍ଷଣୀୟ ପରେଡ଼ କରିବା ସଙ୍ଗେ ସଙ୍ଗେ ସ୍ନାତକ ହାସଲ କରିଛନ୍ତି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭାଇସ ଆଡମିରାଲ ଏକେ ଚାଓ୍ବଲା ଯୋଗଦେଇ ପ୍ରଶିକ୍ଷାର୍ଥୀଙ୍କୁ ପ୍ରଶଂସା କରିବା ସହ ସେମାନଙ୍କ ନିଯୁକ୍ତି ଦେଶର ସେବା ପାଇଁ ସମର୍ପିତ ବୋଲି ମତ ଦେଇଥିଲେ । କୃତକାର୍ଯ୍ୟ କରିଥିବା ପ୍ରଶିକ୍ଷାର୍ଥୀଙ୍କୁ ଏହି ଅବସରରେ ପୁରସ୍କୃତ ମଧ୍ୟ କରାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ