ଖୋର୍ଦ୍ଧା: ଦିନେ ନୁହେଁ କି ମାସେ ନୁହେଁ, ଦୀର୍ଘ ଆଠ ବର୍ଷ ଧରି ଦାଣ୍ଡ ପିଣ୍ଡାରେ ବିତୁଛି ଜୀବନ । ତା ସାଙ୍ଗକୁ ଦାଉ ସାଧୁଛି ରୋଗ ଯନ୍ତ୍ରଣା । ଗରିବଙ୍କ ପାଇଁ ସରକାର କରିଥିବା ଅନେକ ଯୋଜନା ଯେମିତି ସ୍ଥାଣୁ ପାଲଟିଛି ଏଠାରେ । ନା ମିଳୁଛି ପକ୍କା ଘର ନା ନିଜ ଚିକିତ୍ସା ପାଇଁ ମିଳୁଛି ସରକାରୀ ସହାୟତା । ଦାରିଦ୍ର୍ୟର କଷାଘାତରେ ସଢ଼ୁଛନ୍ତି ବେଣୁଧରଙ୍କ ପରିବାର । ଆସନ୍ତୁ ଦେଖିବା 'ଇଟିଭି ଭାରତ'ର ସ୍ବତନ୍ତ୍ର ରିପୋର୍ଟ ।
ଏ ଘଟଣା ହେଉଛି ଖୋର୍ଦ୍ଧା ବେଗୁନିଆ ବ୍ଲକର ଗଂପୁର ଗ୍ରାମର । ଗାଁ ମାଳିସାହିରେ ରୁହନ୍ତି ବେଣୁଧର ବେହେରାଙ୍କ ପରିବାର । ରହିବାକୁ ବଖରାଏ ଘର, ଆଉ ଜମି କଥା ତ ନକହିଲେ ଭଲ । ପର ପାଖେ କାମଦାମ କରି ନିଜ ପାଞ୍ଚ ପ୍ରାଣୀ କୁଟୁମ୍ବ ପୋଷୁଥିଲେ ବେଣୁଧର । ହେଲେ ସେ ପକ୍ଷାଘାତ ରୋଗର ଶିକାର । ଚିକିତ୍ସା ପାଇଁ ଘରେ ଯାହା କିଛି ସମ୍ବଳ ଥିଲା ସବୁ ସରିଲାଣି । କିନ୍ତୁ ସୁସ୍ଥ ହେବା ପାଇଁ ଅପରେସନ କରିବାକୁ ପଡୁଥିବାବେଳେ ଅର୍ଥ ସାଜିଛି ବାଧକ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା