ହାତୀ ଆକ୍ରମଣରେ ଯୁବକ ମୃତ

ହାତୀ ପଲଙ୍କ ଆକ୍ରମଣରେ ଖୋର୍ଦ୍ଧା ବଡ଼ପୋଖରିଆ ଅଞ୍ଚଳ ଗୋପୀନାଥପୁର ଗ୍ରାମର ଦାଶରଥି ମାଝୀଙ୍କ ମୃତ୍ୟୁ ଘଟିଛି । ତେବେ ଏହି ହାତୀପଲରେ 24ଟି ହାତୀ ଥିବା ଜଣାପଡିଛି ।

ଖୋର୍ଦ୍ଧା: ହାତୀପଲଙ୍କ ଆକ୍ରମଣରେ ଜଣଙ୍କ ମୃତ୍ୟୁ ଅଭିଯୋଗ । ତେବେ ଏହି ହାତୀପଲରେ 24 ଟି ହାତୀ ଥିବା ଜଣାପଡିଛି । ହାତୀପଲଙ୍କ ଆକ୍ରମଣରେ ଖୋର୍ଦ୍ଧା ବଡ଼ ପୋଖରିଆ ଅଞ୍ଚଳ ଗୋପୀନାଥପୁର ଗ୍ରାମର ଦାଶରଥି ମାଝୀଙ୍କ ମୃତ୍ୟୁ ଘଟିଛି । ସେ ନିଜ କାମ ସାରି ସାଇକେଲରେ ଘରକୁ ଫେରୁଥିବା ବେଳେ ହାତୀ ପଲଙ୍କ ହାବୁଡ଼ରେ ପଡ଼ିଯାଇଥିଲେ ।

ତେବେ ହାତୀ ପଲ ଦାଶରଥିଙ୍କୁ କଚାଡି ମାରି ଦେଇଛନ୍ତି । ଘଟଣାସ୍ଥଳରେ ନିରାକାରପୁର ପୋଲିସ ଓ ବନ ବିଭାଗ ପହଞ୍ଚି ତଦନ୍ତ ଆରମ୍ଭ କରିଛି । ସେପଟେ ମୃତକଙ୍କ ପରିବାରକୁ କ୍ଷତିପୂରଣ ଦେବା ସହିତ ହାତୀ ଘଉଡ଼ାଇବାକୁ ଗ୍ରାମବାସୀ ଦାବି କରିଛନ୍ତି ।

ଖୋର୍ଦ୍ଧାରୁ ଗୋବିନ୍ଦଚନ୍ଦ୍ର ପଣ୍ଡା, ଇଟିଭି ଭାରତ