ଭୁବନେଶ୍ବର: ରାଜ୍ୟ ସରକାର ଅପ୍ରେଲ ୨୦ ରୁ ୨୨ ତାରିଖ ପର୍ଯ୍ୟନ୍ତ ଓଡିଶା ସ୍କିଲ କନକ୍ଲେଭ-୨୦୨୩ ଆୟୋଜନ କରିବାକୁ ଯାଉଛନ୍ତି । ଏହି ତିନି ଦିନିଆ କାର୍ଯ୍ୟକ୍ରମର ଲକ୍ଷ୍ୟ ହେଉଛି ଓଡିଶାକୁ ଏକ ବିଶ୍ୱସ୍ତରୀୟ ସ୍କିଲ୍ ହବ୍ ଭାବରେ ସ୍ଥାନିତ କରିବା । ଲୋକଙ୍କମାନଙ୍କ ପାଇଁ ଏକ ଉଜ୍ଜ୍ୱଳ ଭବିଷ୍ୟତ ସୃଷ୍ଟି କରିବା । ଏଥି ନିମନ୍ତେ ଆୟୋଜିତ ଏକ କର୍ଟେନ ରେଜର କାର୍ଯ୍ୟକ୍ରମରେ ରାଜ୍ୟ ସରକାରଙ୍କ ବରିଷ୍ଠ ଅଧିକାରୀମାନେ ତଥ୍ୟ ପ୍ରଦାନ କରିଛନ୍ତି ।
ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗ ମନ୍ତ୍ରୀ ପ୍ରୀତି ରଞ୍ଜନ ଘଡେଇ କହିଛନ୍ତି ଯେ, ଏବେ ଦେଶ ପାଇଁ ଏକ ନୂତନ ଓଡିଶା ଦେଖିବାର ସମୟ ଆସିଛି । ଓଡିଶା ସ୍କିଲ କନକ୍ଲେଭ ମାଧ୍ୟମରେ ଯୁବକମାନଙ୍କୁ ଭୌଗୋଳିକ ଅନିଶ୍ଚିତତା, ମାକ୍ରୋ-ଅର୍ଥନୈତୀକ ଆହ୍ୱାନର ସମ୍ମୁଖୀନ ହେବାକୁ ପ୍ରସ୍ତୁତ ରହିବା ସହ ସେମାନଙ୍କର ଭବିଷ୍ୟତ ସୁରକ୍ଷିତ କରିବାର ଲକ୍ଷ ରଖିଛୁ । ଓଡିଶା ସ୍କିଲ କନକ୍ଲେଭ ଏକ ଇଣ୍ଟାରାକଫିଭ ହେବ । ଯେଉଁଠାରେ ଛାତ୍ରଛାତ୍ରୀ, ପ୍ରଶିକ୍ଷଣ ସହଭାଗୀ ଏବଂ କର୍ପୋରେଟମାନେ ଏକତ୍ରିତ ହୋଇ ଗଠନମୂଳକ ବାର୍ତ୍ତାଳାପରେ ନିୟୋଜିତ ହୋଇପାରିବେ । ଆମେ ବିଭିନ୍ନ କର୍ପୋରେଟ ସହିତ ଏମଓୟୁ ସ୍ୱାକ୍ଷର କରିବାକୁ ଆଗ୍ରହୀ ଅଟୁ । ଯାହା ସେମାନଙ୍କର କର୍ମଶାଳାକୁ ମଜବୁତ କରିବାର ଆବଶ୍ୟକତା ପୂରଣ ଦିଗରେ ସକ୍ଷମ ହେବ ।
ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗ ପ୍ରମୁଖ ଶାସନ ସଚିବ ଉଷା ପାଢୀ କହିଛନ୍ତି ଯେ, ଓଡିଶା ସ୍କିଲ କନକ୍ଲେଭ କେବଳ ଓଡିଶା ପାଇଁ ନୁହେଁ ବରଂ ଆମେ ଏକ ବିଶ୍ୱସ୍ତରୀୟ ପ୍ଲାଟଫର୍ମରେ ରାଜ୍ୟକୁ ଉପସ୍ଥାପନ କରିବାକୁ ଅପେକ୍ଷା କରିଛୁ । କାରଣ ଆମେ ମଧ୍ୟ ଏକ ଶକ୍ତିଶାଳୀ ଇକୋସିଷ୍ଟମ ଗଠନ କରିଛୁ । ଏହି ଆୟୋଜନ ଦକ୍ଷତାର କେନ୍ଦ୍ର ହେବା ସହିତ ଯୁବପିଢିଙ୍କ ପାଇଁ ବେଶ ଆକାଂକ୍ଷାପୂର୍ଣ୍ଣ ହେବ ବୋଲି ଆଶା । ଆମେ ସମସ୍ତଙ୍କର ସକ୍ରିୟ ଅଂଶଗ୍ରହଣକୁ ଅପେକ୍ଷା କରିଛୁ । ଆମର ଅଭିଜ୍ଞତାକୁ ଏକ ବିଚାରଶୀଳ ନେତୃତ୍ୱ ଭାବରେ ରାଜ୍ୟର ସ୍ଥିତିକୁ ଆଗକୁ ଆଣିବାକୁ ଚେଷ୍ଟା କରିବୁ ।